Zhduket 50-vjeçari në Selenicë, flet nëna: Ka punuar 15 vjet shef kuzhine në Llogara, ka dhe foto me Sali Berishën! Ma vranë për politikë

Arjan Shabanaj nga Selenica e Vlorës rezulton i zhdukur prej 9 ditësh. Nëna e tij denoncon në media, se i biri është larguar mbrëmjen e 21 Prillit, kur kishin dalë në shesh për të marrë pjesë në mitingun e liderit të PD-së Lulzim Basha.

"Atë natë që erdhi Lulzim Basha shkuam në miting, dhe në kohën që erdhi Lulzim Basha shkuam atje. Kishte për të ardhur në 21:00 por erdhi në 23:00. Pas mitingut djali më tha mos kalo nga turma se të shtypin dhe ika në shtëpi me fqinjët, djali ndenji pas mitingut"

Tefta Shabanaj e cila tashmë ka mbetur e vetme, rrëfen me detaje orët e ankthit, kur i biri nuk përgjigjej në telefon. Ndërsa ka bërë denoncim në polici, rreth orës 03:00 të datës 22 Prill.

"E telefonova disa herë në fillim binte zilja por më mbyllej telefoni derisa u fik. Kam dalë që atë natë në pazar duke kërkuar, shkova që atë në polici dhe bëra denoncimin".

Tefta Shabanaj thotë se i biri nuk ka pasur konflikte. Ka punuar për 15 vite si shef kuzhine, ndërsa momentalisht ishte i papunë.

"Djali im është 50 vjeç i mbushi më 15 Prill. Djali im është shef kuzhine. Ka punuar 15 vjet shef kuzhine në Llogara, ka dhe foto me Sali Berishën"

Miqtë e Arjanit i kanë dhënë se mund të ketë lëvizur nga Selenica në Vlorë pas mitingut të PD-së më 21 Prill dhe prej atij momenti askush nuk e ka parë.

"Më thanë që ka shkuar atë natë në Vlorë. Unë këtë dua të di me kë ka shkuar, kush është ajo makinë?!"

Tefta Shabanaj dyshon se të birin e kanë vrarë për çështje politike, pasi ishte aktivist i PD-së. Ajo me dëshpërim apelon për gjetjen e trupit të tij, ndërsa ka pak shpresa se mund të jetë gjallë.

"Tek policia s'jam e kënaqur kam vajtur me shkop nga dy-tre herë në ditë dhe më thoshin ik mos u shqetëso se ai gatuan për Bashën. Ai iku pa asgjë, pa kartën e identitetit. Ma bënë të zezën ma bënë. Dyshimin e kam tek politika, djalin ma vranë socialistët. Që atë natë ia kanë bërë të zezen se nëna e ndien".

Arjan Shabanaj

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 01/05/2021 02:29

    Moj nene,duket qe shqetesimi te ka sjelle mendime te erreta,por mos e hidh ne konkluzine te parakohshme.S.d.q. nuk me pelqen sjellja mos-kokecarese,gati tallese e policise.Duhet kontrolluar ku i dilte pingu i cel per here te fundit dhe lidhjet e tija.

    Përgjigju
  • anabel: 30/04/2021 18:53

    HAJDE shtet hajde zhduken njerezit si te ishin miza...

    Përgjigju
    • Anabeli: 01/05/2021 07:04

      Di gje ti anabel ku esht trupi i remziut? Ate e zhduku qeverija.sa per kete prit se do dali e do e shohesh qe nuk hyn shteti ne historite e zhdukjeve

    • Ciu Ciu: 30/04/2021 22:10

      Ne Vlore po behet nami vlla , ja ka kaluar Sicilis kane edhe nje vaske me acid

  • Shaban: 30/04/2021 18:32

    Po po per politike e kane vrare se gatuante me miell te bardhe.

    Përgjigju
  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Pjesëmarrësi i bën Dua Lipës ‘pyetjen e sikletshme’ tipike kosovare, reagimi i këngëtares është epik

Pjesëmarrësi i bën Dua Lipës ‘pyetjen e sikletshme’ tipike kosovare, reagimi i këngëtares është epik