POP 5

Lajmet më të lexuara të 5 minutave të fundit

Kronikë

Zjarri 'zhduk' kurora e gjelbër e Shëngjinit, specialisti i pyjeve: S'mund të kthehet më si më parë (VIDEO)

Zjarret e rëna gjatë viteve të fundit kanë shkatërruar Malin e Shëngjinit. Dëmet e shkaktuara janë kolosale dhe rikuperimi i pyllit të dëmtuar duket mjaft i vështirë. Sipas specialistit të pyjeve Zef Imeraj kjo situatë ka ardhur nga keqmenaxhimi që i është bërë pyjeve.

LEZHË- Mali i Shëngjinit, 'kurora e gjelbër' e qytetit turistik tashmë ofron një panoramë ndryshe.

Zjarret e rëna gjatë 5 viteve të fundit e kanë dëmtuar rëndë këtë mal. Dëmet e shkaktuara janë kolosale dhe rikuperimi i pyllit të dëmtuar duket mjaft i vështirë. Specialisti i Pyjeve, Zef Imeraj thotë se kjo situatë ka ardhur nga keqmanaxhimi që iu është bërë pyjeve, pasi strukturat që merren me këtë sektor nuk kanë funksionuar.

"Punë e mirë e bërë në vite ka pësuar dëme të jashtëzakonshme nga keq menaxhimi dhe keqpërdorimi i pyjeve. Do të ketë kush kurajo nga specialistët e pyjeve të bëjë një analizë të saktë të shkeljeve të kushtetutës së Shqipërisë", tha Zef Imeraj, specialist pyjesh.

Imeraj thotë se duhet bashkëpunim mes institucioneve dhe komunitetit të zonës dhe sipas tij brenda vitit 2030 masivet pyjore të dëmtuara rikrijohen, por jo siç kanë qenë më parë.

"Të gjithë pyjet e shkatërruara është e mundur që me administrim nga bashkitë dhe të vendosin rregull e partneritet me komunitetin. Specialistët në bashkëpunim me komunitetin të vendosin një rregull strikt. Pas disa vitesh pyjet mund të rikrijohen, por nuk bëhen siç kanë qenë më parë", tha Imeraj.

Zjarret në Malin e Shëngjinit janë kthyer në refren të vazhdueshëm gjatë stinës së verës, duke rrezikuar edhe zonën e banuar. Në të gjitha rastet zjarret kanë qenë të qëllimshme, por autoritet nuk kanë mundur t'i parandalojnë, pasi ka munguar monitorimi i zonës dhe bashkëpunimi me komunitetin.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 25/01/2020 23:36

    F s h a t a r e t shkaterruan çdo gje, nuk lane asgjë pa shkaterruar! Fshatari eshte e keqja me e madhe e vendit!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça