Zhdukja e shqiptarit që u nis drejt Australisë me peshkarexhë/ Drejtoria e Çështjeve Konsullore: Po e ndjekim me përparësi

TIRANE- Ministria për Europën dhe Punët e Jashtme i pergjigjet zyrtarisht kërkesës bërë nga ''Pa gjurmë'', më datë 15 tetor lidhur me rastin e dibranit të humbur më 2014 Mensur Prenci, i cili dyshohet se mbahet i izoluar. Drejtoria e Ceshtjeve Konsullore në këtë përgjigje sqaron se është ndjekur me përparësi kjo cështje dhe se i është drejtuar nëpërmjet një kërkese Nr .160, ambasadës së Papua New Guinea, ndërsa janë në pritje të përgjigjes.

''Pa gjurmë’’ së bashku me vëllain e të humburit Mensur Prencit, dërgoi fillimisht një kërkesë zyrtare në Zyrën e Emigracionit për Azinë, në Ministrinë e Jashtme, në Tiranë, kërkesë e cila vë në kontakt këtë zyrë në Shqipëri me përfaqësuesit e Ambasadës Shqiptare në Pekin, këta të fundit kanë të drejtë të kërkojnë po në rrugë zyrtare informacion në Ministrinë e Jashtme të Papua Neë Guinea-s. Në ishullin ku dyshohet se mbahet I izoluar dibrani Mensur Prenci humbur në vitin 2014.

32-vjecari u nis drejt Australise, ndërsa Luan Bundo ishte personi që mori përsipër trafikun klandestin, kundrejt shumës prej 13 mijë eurosh. Nga hetimet rezultoi se linja e ndjekur nga Bundo ishte nëpërmjet Maqedonisë dhe Bullgarisë, ku klandestinët bashkë me të humburin Mensur Prençit, pajiseshin me vizë indoneziane për arsye turistike. Nga Indonezia linja vijonte në ishullin Kupang, ku nëpërmjet dy indionezianëve dërgoheshin për në Australi.

Bundo u arrestua nga autoritetet spanjolle në Madrit, dy ditë pas publikimit të rastit në ’’Pa gjurmë’’. Pasi u dënua në vitin 2016 me akuzën për dhënie ndihmë të trafikut klandestin, ai kishte mundur që për tri vite të jetonte në arrati. Bundo, i cili do të ekstradohet drejt Shqipërisë është një nga personat kyç që mund të zbardhi të vërtetën mbi fatin e 32-vjecarit Mensur Prenci.

Kerkesa drejtuar ambasadorit shqiptar ne Pekin

Përgjigja

TAG:
• Pa Gjurme
• mensur prençi