Zhupa:Mother Jones,ekstremiste e
majtë dhe e financuar nga Rama

Zëdhënësja e Partisë Demokratike, Ina Zhupa, në një deklaratë për shtyp ka folur mbi investigimin dhe shkrimin e bërë nga revista Mother Jones, për lobimin e Bashës në SHBA. Ajo shprehet se revista është ekstremiste e majtë dhe se është financuar  nga Rama, i cili përmes kësaj, sipas Zhupës, mbulon kokainën. Zhupa ju referua edhe deklaratës së Spiropalit duke thënë se përmendja e Kremlinit dhe Rusisë nga ana e saj ishte qesharake.

Deklarata e plotë e Ina Zhupës

"Shkrimi i publikuar në Mother Jones, një media ekstremiste e majtë e njohur për qëndrimet e saj anti-Trump, është financuar nga Edi Rama me para të paligjshme.

Shkrimi është pjesë e një fushate të qëllimshme për të mbuluar kokainën dhe lidhjet e familjes Rama me të.

Akuzat me rusë të artikullit janë thellësisht qesharake, por për t’i bërë edhe më qesharake, sot ato i ripërcolli Elisa Spiropali.

Elisa, e cila nga puna në doganë duket se ka krijuar një njohje të veçantë për oligarkët, ka bërë sot një sallatë ruse me oligarkë dhe Kremlin.

Është shenjë e nivelit të turpshëm të korruptimit dhe inkriminimit të Partisë Socialiste fakti që ruajtësja e nderit në PS është bërë Elisa Spiropali. Por është akoma më e rëndë që një parti e tërë po angazhohet përherë e më shumë në mbrojtje të drogës dhe të krimit.

Edhe ky cikël akuzash të mercenarëve të paguar me paratë e kontrabandës dhe trafikut që kur Elisa ishte Drejtoreshë e Përgjithshme e Doganave, do të diskretitohen.

Ajo që mbetet është ajo që ka rëndësi - Saimir Tahiri si trafikant dhe familja Rama e përfshirë në tregtinë e kokainës.

Këta janë rreziku i destabilizimit të Shqipërisë."

 

d.gj/ Shqiptarja.com

TAG:
• lobimi
• lobimi rus per pd