KAS i kërkoi KQZ që të regjistrojë në zgjedhje PD-në me kryetar të Komanduar Enkelejd Alibeajn, por për grupin e Sali Berishës ky vendim është i paprecedentë. E ftuar në Report Tv, deputetja Ina Zhupa tha se nuk mund të regjistrohej në këto zgjedhje Alibeaj, por Berisha.

Në emisionin ‘Sot Live në Shqipëri’ me gazetarin Nertil Agalliu, deputetja Zhupa thotë se partia i takon Berishës, pasi vendimi Apelit ende nuk është futur në fuqi, duke qenë se do dërgohet për rekurs në Gjykatën e Lartë. Për këtë arsye, ajo tha se prisnin nga kryekomsioneri Ilrjan Celibashi që të regjistronte Berishën që në fillim.

“Ishte një vendim i paprecdentë, mjafton të shini njoftimin zyrtar të bërë nga KAS, vendosi të pranojë si kryetar nënkryetarin e partisë Enkelejd Alibeaj. Ne prisnin që në fazën e parë që Celibashi të regjistronte një fakt të njohur botërisht. Cila gjykatë ka njohur Alibeajn? Mund të kishin regjistruar Bashën meqë kishte një vendim gjykate. Nëse do qëndrojmë te faktet e njohura botërisht, nuk mund të regjistrohej Alibeaj, por Berisha. Si mund të hy në fuqi vendimi i Apelit kur t’i e ke apeluar. Ne do merrnim pjesë në zgjedhje me koalicion gjithsesi për të maksimizuar votat, por po i bëhet një dëm demokracisë së vendit. Nëse do të ndahesh nga e kaluara

Sa i takon thirrjes së Alibeajt që kandidatët e primareve të garojnë nën siglën e PD-së, Zhupa thotë se një gjë e tillë nuk do të ndodhë, pasi nuk pranojnë të bëhen pjesë e fasadës politike.

“Asnjë logo. Ne dalim me një koalicion. Demokratët nuk votojnë asnjë logo të partisë, ka logo të koalicionin. Logon e PD-së e vodhën me vendim gjykate. (...). Nuk do të shkojë askush, sepse nuk bëhet pjesë e fasadës e lojërave politike, askush nuk tradhton anëtarët që e kanë zgjedhur. E kanë zgjedhur strukturat e PD dhe nuk i tradhton. Nuk e kemi këtë frikë”, tha Zhupa në Report Tv.

Rendit zhvillimet sipas orarit:
Ora 15:19
Debat në Report Tv: Mërtiri: Berisha është e shkuara! Zhupa: Nuk dëgjoj çdo idiotësi, ndotje akustike! Analisti: Mirupafshim

 

Një debat është zhvilluar në Report Tv mes analistit Ergy Mërtiri dhe deputetes Ina Zhupa sa i takon zgjedhjeve vendore. Analisti Mërtiri thotë se Berisha është e shkuara dhe nuk do i sjellë asnjëherë fitoren partisë, por nga ana tjetër Zhupa tha se nuk mund të dëgjojë çdo idiotësi të tij.

Mërtiri tha se do e linte intervistën, por në fakt nuk u largua.

Ina Zhupa: Se lë tjetrin të thotë budalliqe se më vjen keq.

Ergys Mërtiri: A më bën një nder mos ki keq ardhje për mua

Ina Zhupa: Unë për ty e kisha dhe në respekt të qytetarëve që të dëgjojnë ca të vërteta

Ergys Mërtiri: Të lutem mos më mëshiro kaq shumë, më lër të them budallaqet e mia.

Ergys Mërtiri: Berisha është  e shkuara, po e përdor partinë si një instrument për hallet e veta personale.

Ina Zhupa: Unë çdo idiotësi nuk e dëgjoj dot. Ndotje akustike.

Ergys Mërtri: Unë e lash mirupafshim. Unë nuk jam karagjoz, unë vi flas ajo thotë ndotje akustike.

Ergys Mërtri: Kjo parti s’ka për t’i fituar kurrë këto zgjedhje.

SI.E./Shqiptarja.com