POP 5

Lajmet më të lexuara të 5 minutave të fundit

Ekonomi

Zhvlerësimi i valutave, rënia e naftës në tregjet e huaja e fundi i koncesionit të markimit, ulin çmimin e karburantit 

Çmimi i naftës dhe i benzinës është ulur me 5 lekë këtë të hënë. Kjo është hera e dytë brenda vitit që ulet çmimi i karburantit, rënie që vjen pas rënies së naftës në tregjet ndërkombëtare, dhe zhvlerësimit të vazhdueshëm të dollarit.

Çmimi i karburantit është ulur lehtë për herë të dytë brenda këtij viti. Nafta po tregtohet me pakicë nga 177 lekë deri në 179 lekë litri, nga 183-184 lekë/litri që është shitur që prej muajit maj të këtij viti. Kurse çmimi i gazit ka mbetur i pandryshuar në 60 lekë. Po ashtu është ulur lehtë edhe çmimi i benzinës, që në disa pika tregtohet me të njëjtin çmim si nafta, nga 184 lekë litri që ishte më parë. 

Përtej impaktit pozitiv që do të ketë në xhepin e konsumatorëve, rënia e çmimit të karburanteve mund të konsiderohet e vonuar pasi duhet të kishte ndodhur me herët si rezultat i zhvlerësimit të valutave dhe luhatjeve të vazhdueshme të naftës në tregjet ndërkombëtare.

Javën e shkuar çmimi i naftës bruto në tregjet ndërkombëtare zbriti në 75 dollarë fuçia, nga 83 dollarë që ishte në muajin maj. Rënia e fortë e javës së kaluar ndodhi në kushte të larta pasigurie dhe frike, se një recesion i mundshëm ekonomik mund të përfshijë Shtetet e Bashkuara të Amerikës. 

Nga ana tjetër nafta blihet në bursë me dollarë, monedhë e cila nga muaji maj deri më tani ka humbur 3 lekë, pasi nga 94 lekë në maj, tani një dollarë këmbehet me 91 lekë. Rënia është edhe më e fortë krahasuar me vjet kur 1 dollarë ishte 100 lekë. 

Kjo ulje e çmimit të karburantit me 4-5 lekë për litër ndodh në periudhën që përfundon zyrtarisht edhe koncesioni i markimit të karburanteve, i cili nga data 10 gusht ka kaluar tek Dogana, e cila do e ofrojë këtë shërbim pa pagesë. Koncesioni i markimit i ka kushtuar qytetarëve shqiptar për 11 vite në fuqi afro 55 milionë euro. Tarifa e markimit ka qenë 1 lekë për çdo litër karburant.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37