Vatrat e zjarreve që janë shfaqur në masivet pyjore të Korçës, mund të jenë të qëllimshme.
 
Faktin e ka bërë të ditur vetë Ministri i Mjedisit, LefterKoka i cili ka inspektuar nga afër punë që po bëhet në terren për neutralizimin e zjarrit dhe shuarjen e tij.
 
“Nuk përjashtohet mundësia e zjarrvenies” ka thënë nga Dardha Koka.

Sipas Ministrit Koka, vatra e zjarrit ëhstë e konsiderueshme, ndëkrohë që të gjithë institucionet do të punojnë për parandalimin e shkatërrimit të pyjeve. Ai ka shtuar se dëmet e shkaktuara nga zjarri janë të mëdha.
 
“Dëmi i shkaktuar nga rënja e flakëve të zjarrit në këtë masiv në Dardhë është i madh. Do vijojë puna për parandalimin e shkatërrimit të pyjeve me instancat” ka shtuar ai.
 
Ndërkohë, Koka ka paralajmëruar se në bashkëpunim me policinë e Shtetit do të nisë një hetim i detajuar për të zbardhur rrethenat e rënjes së zjarrit dhe vënjen përpara përgjegjësisë të autorëve të djegies së masivit.

“ Bashkëpunim me policinë për të hetuar gjithë rastet e zjarreve të rëna” ka shtuar Koka.


Redaksia Online
(F.T/shqiptarja.com)