POP 5

Lajmet më të lexuara të 5 minutave të fundit

Politikë

Zona sigurie në aeroporte, Balluku merr lejet e ndërtimit në mbi 2100 km2 territor duke përfshirë Tiranën! Surprizohen institucionet e tjera, AAC superfuqi

Dhënia e lejeve të ndërtimit në zonat përreth tre aeroporteve të vendit, nga Kukësi, në Tiranë e Vlorë merret nga zv. Kryeministrja Balluku përmes Aviacionit Civil. Në 3 hapësira gjigande që të tria bashkë shkojnë në mbi 2100 km² të territorit të vendit. Autoriteti i Aviacionit Civil bëhet superfuqi, vendim që ka habitur shumë institucione.

Dhënia e lejeve të ndërtimit për çdo projekt apo ndërtesë, nga malet e Kukësit, te zona më e rëndësishme ekonomike e vendit duke filluar nga kryeqyteti dhe brenda këtij viti edhe në perlën e jugut në bregdetin e Vlorës rreth aeroportit të ri, nuk do jenë me kompetencë e bashkive. Shumë institucione shtetërore u surprizuan pas zbulimit nga Report Tv të VKM nr. 784 të 18 dhjetorit 2024, i cili përcakton kompetenca të reja për leje ndërtimi në një rreth 15km nga aeroportet kryesore të vendit, që nga bashkitë kalojnë tek Agjencia e Zhvillimit të Territorit, por që kërkojnë autorizim edhe nga Aviacioni Civil. Bëhet fjalë për një sipërfaqe gjigande prej 2100 km² të territorit të vendit të klasifikuar si “zona e sigurisë’’ e aeroporteve ku AAC merr kompetencat edhe për çdo plan territorial. 

Vendimi i qeverise i datës 18 dhjetor 2024

Pra zona gjigande rrethore me diametër 30 kilometera, por të jashtëzakonshme edhe për nga rëndësia, sidomos ajo e kryeqytetit e cila përfshin thuajse 5 bashki të plota.

Gjurma në hartë (në formë rrethi gjigand) e hapësirës territoriale që përfshihet në “zonën e mbrojtur aeroportuale” në Tiranë

Gjurma në hartë (në formë rrethi gjigand) e hapësirës territoriale që përfshihet në “zonën e mbrojtur aeroportuale” në Vlorë

Ndërsa ky rreth gjigand në Vlorë përfshin zona të rëndësishme si e gjitha Laguna e Nartës, sidomos Zvërneci, për të cilin projekte të rëndësishme ndërtimore janë prezantuar, përfshirë edhe një të dhëndrit të Donald Trump, Jared Kushner.

Vendimi, që mban jo vetëm propozimin por edhe firmën e miratimit të vetë zv. kryeministres Belinda Balluku (nga të cilat varet edhe Autoriteti i Aviacionit Civil), siç edhe Report Tv raportoi më herët është në kundërshtim edhe me praktikën e vendeve Perëndimore, siç e tregon edhe ky dokument ku thuhet qartë se standardet ndërkombëtare kërkojnë që zona e mbrojtur për sigurinë aeroportuale përcaktohet vetëm 10 kilometra (dhe jo 15) dhe vetëm si zgjatim i pistës në të dyja anët e saj, dhe 15% e kësaj hapësirë horizontalisht dhe jo rrethore siç përcakton VKM-Balluku.  

1737824127_standardieuropian.jpg

Foto: Skema e zonës së sigurisë sipas Rregullores Europiane

Vendimi i Këshillit të Ministrave parashikon kalimin e kompetencës në dhënien e lejeve të ndërtimit nga bashkitë në këto hapësira tek AZHT por vetëm pasi të kenë kaluar “testin e sigurisë” pranë Autoritetit të Aviacionit Civil. Pra do të jetë ky institucion në varësi të ministres Belinda Balluku, i cili do të duhet të japë pëlqimin për ndërtimet brenda 30 ditëve.

Gjurma në hartë (në formë rrethi gjigand) e hapësirës territoriale që përfshihet në “zonën e mbrojtur aeroportuale” në Kukës
 

Jo vetëm kaq por në pikën 7 të vendimit thuhet se Agjencia Kombëtare e Planifikimit të Territorit dhe Agjencia e Zhvillimit të Territorit marrin mendimin e Autoritetit të Aviacionit Civil edhe për çdo praktikë hartimi dokumentesh për planifikim të territorit, që përmban objekte, struktura apo instalime që ndodhen në zonat e mbrojtura të aeroportit.

Foto: Harta me 3 zonat e sigurisë ku duhet marrë leje nga AAC për ndërtimet

Report Tv ka mësuar se ky vendim ka krijuar habi në shumë institucione, edhe për shkak të absurditetit që nuk lidhet me praktikën e vendeve të tjera, ndërsa ende nuk ka një sqarim nga ana e Këshillit të Ministrave.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Swuat: 29/01/2025 12:08

    Lexoni Kodin Ajror mbi " pengesat" per sigurine e fluturimeve para se te komentoni.

    Përgjigju
  • Iris: 29/01/2025 04:06

    /GACI/,brenda atyre rratheve /te sigurise/ nuk thuhet se do te ndalohen ndertimet,por thuhet qe lejet per nderimet aty nga bashkite do i kalojne AZHT,por kesaj rradhe duhet dhe bekimi i autoritetit te aviacionit.E thene ndryshe,bashkite nuk mund te bejne me qoka per cakejte lokale,sepse zonat rreth aeroporteve shihen si/pjese luani/ per oligarket e medhenj.

    Përgjigju
  • Taipi: 28/01/2025 11:15

    Vjellje e shkateruat kyt vend ju vraft zoti

    Përgjigju
    • Agjenti: 28/01/2025 14:40

      O Gaci ik ha ndonje sufllaqe aman. Edhe po te jete ashtu nuk mund te vihen ne duart e nje njeriu. Per ate pune jane ngritur institucionet.

    • Gaci: 28/01/2025 12:26

      Po pse mo "taipo", zonat e sigurise rreth aerporteve eshte nje detyrim nderkombetar pa te cilat nuk vihet ne operim transporti ajror. Ti kete nuk e ditke, por di te nxjerresh vrer e hedhesh balte.

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01