Zvicra fiton Eurovision 2024, këngëtari Nemo triumfon në natën finale!

Zvicra ka triumfuar në edicionin e 68-të të Festivalit Evropian të Këngës me këngëtarin Nemo me këngën e tij “The Code”. Nata finale e Eurovision 2024 që u mbajt në Suedi dhuroi një spektakël, ndërsa këngëtari Nemo mori një rezultat mbresëlënës prej 591 pikësh.

Vendin e dytë të “Eurovision 2024” e mori Kroacia me këngën “Rim Tim Tagi Dim”, ndërsa Ukraina është pozicionuar në vend të tretë.

Me një mesazh paqeje, artisti zviceran, i përlotur nga fitorja, foli për atë që do të dëshironte të ishte vijimësia e festivalit më të madh kontinental muzikor.

“Jam shumë i emocionuar, nuk kam fjalë, dua të falenderoj të gjithë bashkëpunëtorët, shpresoj që ky konkurs të vazhdojë të qëndrojë për paqen”, u shpreh këngëtari.

Shqipëria mori pjesë në gjysmëfinalen e dytë të Eurovizionit me Besa Kokëdhimën dhe këngën e saj “Titan” por nuk arriti të shkonte në finale aty ku Zvicra arriti të rrëmbejë çmimin e madh të këtij edicioni. Shqipëria i dha 10 pikë Italisë, 7 pikë Greqisë dhe 1 pikë Serbisë.

Protesta të shumta e kanë shoqëruar këtë eveniment. Mijëra vetë në Malmoe kërkuan përjashtimin e Izraelit për shkak të ofensivës në Gaza, por me votat këngëtarja izraelite 20-vjeçare Eden Golan doli e pesta.

Eurovision 2024: Pesë konkurrentët më të mirë

1. Zvicër: Nemo - Kodi

2. Kroacia: Baby Lasagna - Rim Tim Tagi Dim

3. Ukrainë: Alyona Alyona & Jerry Heil - Teresa dhe Maria

4. Francë: Slimane - Mon Amour

5. Izrael: Eden Golan - Uragani

1/2
SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jola: 12/05/2024 14:13

    Si votoi Shqiperia per kete?

    Përgjigju
  • ALB Patriot: 12/05/2024 11:03

    Eurovision eshte bere si "shfaqje" e njerezve "as mashkull, as femer!" "Bravi"!

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Sistemimi i plazhit publik të Vlorës, Rama publikon pamjet: Hapësirë e lirë dhe çadrat falas për ata që duan të shijojnë bregdetin

Sistemimi i plazhit publik të Vlorës, Rama publikon pamjet: Hapësirë e lirë dhe çadrat falas për ata që duan të shijojnë bregdetin