Qeveria zvicerane do të investojë 4 milionë euro për minimizimin e përmbytjeve në qytetin e Lezhës. Projekti konsiston në ndërtimin e kanalizimeve të ujërave të bardha e të zeza si dhe një stacioni të ri pompimi vetëm për ujerat e bardha. Për këtë qëllim ambasadori zviceran në Shqipëri Adrian Maitre zhvilloi një vizitë në ndërmarrjen e Ujësjellës Kanalizimeve Lezhë, ku u njoh me detajet e këtij projekti të rëndësishëm nga drejtori i këtij institucioni, Zef Maçi.
"Do ndërtohet sistemi i kanalizimeve të ujërave të zeza dhe kanalizimet e ujërave të bardha (shiut). Është menduar që ta realizojmë përmes zvogëlimit të zonës së përmbytjes së qytetit. Më kryesorja është të ndajmë ujërat e ndotura nga të shiut që të ndikojmë sa më shumë në eliminimin e përmbytjeve", tha Zef Maçi Drejtor i Ujësjellës-Kanalizime Lezhë.
Ambasadori Adrian Maitre tha se performanca e mirë e ndërmarrjes së Ujësjellës-Kanalizime kanë sjellë këto investime në Lezhë. "Këto investime mbështeten në përformancë dhe këtë e ka arritur ndërmarrja e Ujësjellës Kanalizime, ndaj po investojmë këtu.
Në nuk shikojmë vetëm aspektet që lidhen me ujin e pijshëm, por edhe menaxhimin e ujërave të zeza dhe të shiut. Do të thosha se ky është një shembull i mirë ku shkohet me partneritet përtej një projekti dhe ky partneritet është i vendosur nga dy qeveritë tona. I gjithë synimi i këtij partneriteti është që të mbështet Shqipëria në rrugën e sajë të integrimit në Bashkimin Evropian" tha Adrian Maitre.
Përmbytjet në qytetin e Lezhës janë kthyer në një refren të vazhdueshëm sa herë ka reshje të dendura shiu, e kjo vjen për shkak sistemi i kanalizimeve nuk e përballon nivelin e prurjeve të ujit.
Lajme të tjera
-
Risi Albania/ Në 8 vite 3000 vende pune nga projekti zvicerian! Ministrja e Turizmit e ambasadori zviceran: Sfidë punësimi i të rinjve
19 Nëntor 2021, 08:40 -
Priti Ambasadorin e Zvicrës, Nikolla: Fuqizim i bashkëpunimit parlamentar dhe mbështetje për reformat
27 Shtator 2021, 16:43 -
Projekti ‘Shkolla për Shëndetin’/ Ministrja Kushi takon ambasadorin zviceran: Të angazhuar në projekte të përbashkëta në fushën e Arsimit
14 Shtator 2021, 08:00 -
Ankandi për shfrytëzimin e erës si burim energjie, Balluku: Një tjetër hap drejt diversifikimit të burimeve të energjisë
21 Qershor 2021, 18:09 -
Çelet për herë të parë ankandi për shfrytëzimin e erës si burim energjie, Rama: Synim, Shqipëria eksportuese e energjisë së gjelbër të rinovueshme
21 Qershor 2021, 14:55 -
Ruçi takim me ambasadorin e OSBE dhe Zvicrës: Projekti PACEP mundësoi mbledhjet online gjatë pandemisë, solli transparencë për mediat dhe qytetarët
2 Qershor 2020, 16:31
