Zv.ministri: Shqipëria ka nevojë për amnisti të re për armët, duhet parapërgatitje! Struktura e re e policisë, vëmendje krimeve kibernetike

Shqipëria e ka të nevojshme një amnisti të ri me qëllim nxitjen e dorëzimit vullnetar të armëve, por Ministria e Brendshme nuk ka një datë për këtë iniciativë.

"Jo vetëm të miratojmë një iniciativë të radhës, pra një amnisti të rradhës. Në amnistinë e 2017-ës nuk kishim aq sa mund të pretendonim nga një strategji e cilia paraprihet nga një punë shumë e mirë e ndërgjegjësimit të komunitetit në bashkëpunim me çdo aktor, përfshirë këtu median dhe shoqërinë civile. Duhet paraqitur një ndërgjegjësim masiv mbi rrisqet", tha Besfort Lamallari, Zv/ministër i Brendshëm.

Deklarata u bë në një takim të organizuar nga OSBE mbi rrezikun nga armët e vogla ndërkohë zv/ministri foli edhe për strukturën e re të policisë e cila ka në vëmendje krimin kibernetik.

"Krimi kribernetik, nëse ne aktualisht kemi sektor, kalon në nivel drejtorie dhe drejtoria e IT kalon në nivel departamenti. Kemi edhe zyrën e rikuperimit të aseteve kriminale. Krijohet jo vetëm si nevojë e përmbushjes së detyrimeve të BE, por edhe si nevojë e një elementi transnacional të krimit të organizuar", tha Besfort Lamallari, Zv/ministër i Brendshëm.

Zv/ministri Lamallari iu shmang pyetjes për penalizimin që struktura e re u bën qindra punonjësve të policisë me bashkimin në një të gradave “inspektor”.

"Çdo propozim, sugjerim dhe vendimmarrje që është bërë, është bërë si pjesë e produktit të konsultimit të përbashkët. Pra ka patur një grup pune specifikisht për këtë qëllim. Janë konsultuar mendimet e të gjitha strukturave, por edhe mendimet dhe vlerësimet të raporteve të ndryshme sidomos atyre që asistojnë policinë e shtetit", tha Besfort Lamallari, Zv/ministër i Brendshëm.

Struktura e re trajton në të njëjtat kushte një inspektor që sapo ka dalë nga Akademia e Sigurisë me ata që mund të kenë 15 apo 20 vite eksperiencë pune brenda radhëve të policisë. Reparti RENEA, FNSH dhe struktura të tjera u ankuan pranë Sindikatës së Policisë, pasi kalimi me gradën inspektor i thjesht prek pagën e tyre edhe nuk u jep mundësi promovimi.

A.M./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • daku: 06/06/2023 21:27

    ti je cun me shkolle. e depolitizoni pak kete policine se i eshte qepur opozites kemba kembes.

    Përgjigju
  • Titi: 06/06/2023 19:24

    Bravo Llari!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet