Zyrtare/ Bayer Munich konfirmon largimin e Thomas Tuchel

Zyrtare/ Bayer Munich konfirmon largimin e Thomas Tuchel

Thomas Tuchel

Tri humbjet radhazi në kampionat dhe Champions League kanë bërë që Bayer Munich dhe Thomas Tuchel të 'shtrëngojnë duart' në fundin e sezonit. Pas diskutimeve për largimin e trajnerit, klubi rekordmen gjerman ka konfirmuar se në qershor palët do shkëpusin marrëdhënien me konsensus.

"Bayern Munich dhe trajneri Thomas Tuchel kanë vendosur së bashku t'i japin fund marrëdhënies së tyre të punës, e cila fillimisht ishte caktuar të zgjaste deri më 30 qershor 2025, por do zgjasë der më 30 qershor 2024. Ky është rezultati i një diskutimi konstruktiv midis CEO-s Jan-Christian Dreesen dhe Thomas Tuchel", njofton klubi i Bundesligës.

Humbja 3-2 kundër Bochum në fundjavë i ka vendosur "kapakun" largimit të trajnerit, me Bayern Munich që në harkun e tetë ditëve pësoi tri humbje radhazi.

Kësisoj, pas Klopp që do largohet nga Liverpool në verë dhe Xavit nga Barcelona, edhe Tuchel do jetë i papunë. Duket se tanimë ka një 'trend' të ri në botën e futbollit, me trajnerët që konfirmojnë largimet disa muaj para.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Ministri i Kosovës: Beogradi përgjegjës për tensionet mbi dinarin

Ministri i Kosovës: Beogradi përgjegjës për tensionet mbi dinarin