POP 5

Lajmet më të lexuara të 5 minutave të fundit

Sport

Zyrtare/ Bekim Balaj tërhiqet nga Kombëtarja, 48 ndeshje dhe 9 gola si kuqezi! Kujtohet për golin kundër Portugalisë, i hapi rrugë finaleve të Euro 2016

Federata Shqiptare e Futbollit njofton se sulmuesi Bekim Balaj është tërhequr nga Kombëtarja në moshën 33-vjeçare.

Zyrtare/ Bekim Balaj tërhiqet nga Kombëtarja, 48 ndeshje dhe 9 gola si kuqezi! Kujtohet për golin kundër Portugalisë, i hapi rrugë finaleve të Euro 2016

Bekim Balaj

Federata Shqiptare e Futbollit njofton se sulmuesi Bekim Balaj është tërhequr nga Kombëtarja në moshën 33-vjeçare. Ai luan aktualisht me Vllazninë.

"Më shumë se 10 vite kuqezi, 48 ndeshje të luajtura, 9 gola të shënuar, i pari i veçantë për mënyrën e realizimit dhe rëndësinë që pati, në fitoren e parë në histori me Portugalinë. Bekim Balaj ka vendosur të tërhiqet nga Kombëtarja dhe Federata e Futbollit e falënderon për gjithçka që sulmuesi ka dhënë në fushën e lojës, duke nisur nga kombëtaret e moshave te Kombëtarja A. Faleminderit Bekim", shkruan FSHF. Balaj mbahet mend për golin kundër Portugalisë në kualifikueset e Euro 2016, ku nisi edhe rrugëtimi që dërgoi Kombëtaren për herë të parë në finalet e një Evropiani, ai i 'Francë 2016'.

Bekimi debutoi në 14 nëntorin e 2012 me kuqezinjtë dhe gjashtë minutat e fundit i luajti më 6 tetorin e 2022 në humbjen 1-2 kundër Izraelit. Ndërkohë prej janarit 2023 ai është pjesë e Vllaznisë në vendlindje dhe këtë sezon në 12 ndeshje ka shënuar tetë gola. 

Vllaznia, Genclerbirligi, Tirana, Sparta e Pragës, Jagiellonia, Slavia e Pragës, Rijeka, Grozny, Sturm Graz, Boluspor dhe Keciorengucu, këto kanë qenë skuadrat në karrierën më shumë se 14-vjeçare të Balaj.

 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

17 Nëntor, 20:04