Komisioni Qendror i Zgjedhjeve në Kosovë ka publikuar sot rezultatet përfundimtare të zgjedhjeve parlamentare të 11 qershorit.

Sipas rezultateve, koalicioni PAN do të ketë 39 vende në Kuvendin e Kosovës, Lëvizja Vetëvendosje 32 vende dhe koalicioni LAA do të ketë 29 vende.

Dalja e votuesve në zgjedhje, sipas të dhënave të KQZ-së, ka qenë mbi 750 mijë apo rreth 42 për qind qytetarë, derisa të drejtë vote kanë pasur mbi 1 milion e 872 mijë qytetarë të Kosovës.