I dërguari i Trump, Paolo Zampolli, zhvilloi takime me përfaqësues të PS dhe PD, ndërsa përcolli mesazhin se Shqipëria është një aleate e rëndësishme e SHBA-së. Në takimin me Baba Mondin, në fokus ishte qendra e avancuar shëndetësore me partnerë amerikanë.

Policia Rrugore e Tiranës vendosi 13 467 gjoba në një javë për shkelje si parkimi i gabuar, përdorimi i celularit, mosvendosja e kaskës dhe rripit apo drejtimi nën efektin e alkoolit. 32 persona u arrestuan, ndërsa 75 mjete u bllokuan.

Situata nga zjarret në vend paraqitet kritike në masivin pyjor të Tërbunit në Pukë dhe në kodrat e Bardhajve në Shkodër. Kritike situata është edhe në fshatin Rras të Lezhës, ku janë djegur varrezat. Ndërkohë që në të gjithë vendin numërohen të paktën 14 vatra aktive. Dy piromane u arrestuan.

Një 60-vjeçar në Eskaj u vu në pranga pasi kishte ndezur zjarr qëllimisht në tokën që kishte marrë me qira. Për dy të moshuar të moshave 71 dhe 77 vjeç, policia ka nisur hetim në gjendje të lirë për zjarret e ndezura në tokat e tyre, përkatësisht në Varibop të Fierit dhe Çërrilë të Mallakastrës.

26-vjeçari është transportuar në spital për të marrë ndihmë mjekësore dhe fatmirësisht ndodhet jashtë rrezikut për jetën.

Bashkia e Tiranës vijon aksionin e pastrimit të lumit, duke larguar mobilje të vjetra, inerte, rroba dhe mbetje të tjera të hedhura në zonë.

Institucioni thotë se pjesa më e madhe e mjeteve të braktisura është larguar, ndërsa kontrollet do të vijojnë edhe për rastet e tjera.

Dhjetëra automjete luksoze janë kontrolluar nga Policia e Tiranës në kuadër të një operacioni të përqendruar për verifikimin e origjinës së mjeteve dhe burimit të pasurisë me të cilën janë blerë.

Erion Braçe ka ngritur shqetësimin për bllokim të punimeve për vendosjen e ashensorit në një pallat të vjetër, i financuar nga vetë banorët. UKT duhet të heqë tubat e ujit, cilëson Braçe, ndërsa IMT ndërtimet e paligjshme që kanë devijuar kokat e tualeteve.

Sipas Bashkisë së Tiranës, janë miratuar 3 leje për instalimin e ashensorëve dhe 7 për sistemin kapot në kuadër të Fondit të Komunitetit. Bashkia thotë se do të ngrihet edhe një task-forcë për kontrollin dhe certifikimin e materialeve të përdorura për rezistencën ndaj zjarrit.

Jozefin Marku, i njohur nga pjesëmarrja në një reality show në Shqipëri, u arrestua nga policia, pasi me një grup personazh të tjerë dhunuan dhe poshtëruan një tjetër personazh nga i njëjti format në Kosovë, Eduard Kuçin. Ata i bënë pritë pranë mbikalimit të Rinasit duke e ndaluar makinën e tij luksoze, me disa simbole të kamufluara si të policisë.