Partizani humbi 1-2 me Romën në “Air Albania”, në testin miqësor të zhvilluar mbrëmjen e së shtunës në Tiranë. Kampionët e Shqipërisë e kishin mendjen te Valmiera në Conference League, aty ku të enjten i pret ndeshja e kthimit. Trajneri i të kuqve, Zoran Zekic e nisi ndeshjen me formacionin e dytë.

Kryetari i Bashkisë Erion Veliaj ka reaguar ekskluzivisht në Report Tv lidhur me debatin mbi kullën “Mali i Tiranës” duke e quajtur sherr mes dy copave të PD për gjobëvënie. Akuzën se po shpërblehet opozita e Foltores e mohon duke thënë se është e pakuptimtë që familja që ka veshur me të zeza më shumë shqiptarë të shpërblehet nga PS.

Gjykata Penale e Tiranës ka lënë në burg mashtruesin Indrit Aliu, i cili u arrestua ditën e djeshme pas denoncimit të një biznesmeni. Avokatja e 39-vjeçarit, i cili prezantohej si zyrtar i lartë, duke premtuar tendera ndërtimi ka mohuar akuzat e ngritura për mashtrim.

Një 24-vjeçar është vënë në hetim nga policia, pasi akuzohet për organizim të lojërave të fatit, në ambientet e magazinës së një lokali në Tiranë.

Pas përfundimit të fazës së parë të punimeve për rritjen e kapaciteteve prodhuese të impiantit të përpunimit të ujit në Bovillë, duke e çuar aftësinë prodhuese në total 2400 l/s, po realizohet edhe faza II dhe përfundimtare, me një kapacitet shtesë prej 1200 l/s, e cila do ta çojë impiantin e përpunimit të ujit Bovillë në maksimumin e prodhimit të tij, në 3600 l/s. 

Prej afro tri muajsh pas arrestimit të kryebashkiakut të zgjedhur, Fredi Beleri pala greke ende vijon të jetë e angazhuar për betimin e tij në Bashkinë e Himarës. Deputeti grek Angelos Syrigos ka ardhur sot në Tiranë dhe u takua në ambientet e paraburgimit në Qendrën Spitalore e Burgjeve Tiranë (Nënë Tereza).

Një tjetër korsi biçikletash i shtohet Tiranës duke e bërë udhëtimin e qytetarëve me dyrrotakë më të sigurt në kryeqytet. Kryetari i Bashkisë së Tiranës Erion Veliaj kapublikuar fotot nga korsia e re që është bërë nga ura te Rruga e Elbasanit gjer tek kryqëzimi i 9 katësheve duke e lidhur atë me rrjetin ekzistues të korsive të biçikletave.

Indrit Aliu (Kolleshi) ka rënë në prangat e policisë së Tiranës pas denoncimit të një biznesmeni, i cili kuptoi se ishte mashtruar. Ai u prezantohej biznesmenëve si zyrtar i lartë duke u premtuar tenderë të ndryshëm në Ministrinë e Infrastrukturës, kryesisht në aktivitetin e minierave të ndërtimit.