4 vatra zjarri janë problematike në vendin tonë, ku flakët po shkrumbojnë prej ditësh dhjetëra hektarë tokë. Në raportimin ditor të ministrisë së mbrojtjes bëhet me dije se zjarrfikësit janë në luftë me flakë në 2 vatra të ndryshme në fshatrat Thirrë dhe Katund i Vjetër në Mirditë, në malin e Tërbunit në Pukë, fshatin Dardhë në Fushë-Arrëz, ku në terren janë rreth 300 forca zjarrfikësve.

Në aksin rrugor Milot-Morinë, është regjistruar një aksident, pasi drejtuesi i një automjeti S.B ka humbur kontrollin e mjetit dhe ka përplasur një tjetër makinë.

Mural Fest fillon nesër duke sjellë një numër të konsiderueshëm prej 20 artistësh nga vende të ndryshme të botës që do të pikturojnë dhjetë mure të Tiranës.

Kryeministri Rama u ka kthyer përgjigje kritikëve duke thënë se strehimi i përkohshëm i emigrantëve nga Afganistani nuk u vendos vetëm se e kërkuan SHBA-të, por se ua kemi borxh miqve afganë, siç ai theksoi. Rama tha se mund të mos jemi të pasur, por i detyrohemi traditës mikpritëse.

Kur kanë kaluar 24 orë nga zjarri qëllimshëm te Sarajet e Toptanëve, monument kulture i kategorisë së parë, ende nuk ka asnjë person në pranga. Kamerat kanë filmuar autorin, i cili kishte vendosur doreza të verdha që e mbronin atë nga flakët dhe me kapele, teksa nxitonte të largohej në drejtim të Sheshit 'Skëndërbej', por uniformat blu nuk kanë arritur që ta identifikojnë e ta vënë pas hekurave për aktin kriminal që kreu.

Pas akuzave të kryebashkiakut Erion Veliaj për zjarrin te 'Sarajet e Toptanëve', ka ardhur dhe reagimi i ish-presidentit Bujar Nishanit. 

Në emër të Qeverisë Amerikane, ambasadorja Yuri Kim i dorëzoi Gledis Nano, Drejtorit të Drejtorisë së Antiterrorit në Policinë e Shtetit një certifikatë vlerësimi për kontributin e dhënë në luftën kundër terrorizmit global.

Teksa puna për parandalimin dhe “goditjen” e veprimtarisë kriminale të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, policia ka arrestuar një person dhe ka shpallur në kërkim një tjetër.

Grupi i parë prej 300 afganësh priteshin të mbërrinin sot, por për shkak të situatave kaotike në aeroportin e Kabulit, nisja e tyre është shtyrë dhe është ende e paqartë se kur do të niset avioni dhe për këtë arsye shtyhet edhe ardhja e tyre. Po ashtu bëhet e ditur se nëse avioni do të niset në orët në vijim dhe pas 6-7 orësh fluturim mund të mbërrijë në Tiranë dhe nuk dihet nëse afganët do të mbërrijnë gjatë mbrëmjes apo të nesërmen.  Në Rinas janë ngritur tendat e ushtrisë për kontrollin e tyre dhe po bëhen përgatitjet e fundit.

Një aksident i rëndë është regjistruar mbrëmjen e sotme në Misto Mame, Tiranë, ku për pasojë ka ndërruar jetë një 50-vjeçare. Bëhet me dije se gruaja, e cila po lëvizte në këmbë, është përplasur nga dy automjete njëri pas tjetrit.

Kryetari i bashkisë Tiranë, Erion Veliaj tha ne Report Tv, se zjarri te Sarajet e Toptanëve është porositur nga politikanë duke akuzuar ish presidentin Bujar Nishani bashkëshortja e të cilit është një nga pronarët. Madje Veliaj tha se disa politikanë kanë lobuar tek ai për të ndërtuar kulla, por godina historike do kthehet në shtëpi muze.

Që në orët e para të ditës së sotme nga ana e Drejtorisë Rajonale të Trashëgimisë Kulturore, Tiranë është bërë kallëzimi pranë Komisariatit të Policisë nr. 1, Tiranë, me dyshimin se bëhet fjalë për një zjarrëvënie të qëllimshme, për të zhvlerësuar godinën dhe tjetërsimin e funksionit të saj