Një 21 vjeçar është arrestuar sot në Tiranë pasi nën presionin e pistoletës lodër ka arritur të grabisë një telefon. I arrestuar është Xh. Sh., 21 vjeç të cilit gjatë kontrollit fizik iu gjet edhe 1 mjet prerës (thikë) e cila u sekuestrua në cilësi e provës materiale.

Ministrja e Shëndetësisë dhe Mbrojtjes Sociale Ogerta Manastirliu dhe kryetari i Bashkisë së Tiranës Erion Veliaj, kanë inspektuar qendrën e re shëndetësore 'Kodra e Diellit', të ndërtuar me programin e 300 qendrave shëndetësore. Duke u shprehur se pavarësisht pandemisë, puna për hapjen e qendrave të reja shëndetësore nuk ka ndalur, Manastirliu ka theksuar se qendra shëndetësore 'Kodra e Diellit' do t'ju shërbejë 12 mijë banorëve duke ofruar shërbime të aksesueshme dhe afër vendbanimit.

Teksa vijon takimet e saj me banorë, Kryetarja e LSI-së, Monika Kryemadhi është ndalur në programin e partisë së saj. Ajo ka përmendur sërish 5 prioritetet e këtij programi të cilat synojnë t’i realizojnë në 5 muajt e parë.

Në Pezë janë të hapur katër kantiere, ku po ndërtohen 4 shkolla të reja. Kryebashkiaku Erion Veliaj gjatë inspektimit në kantier, tha se Shkolla 9-vjeçare “Pezë e Vogël”, e dëmtuar nga tërmeti, do të jetë gati në shtator të këtij viti, ndërsa u ktheu përgjigje akuzave të kundërshtarëve politikë.

Kryeministri Edi Rama inspektoi pasditen e kësaj të enjte kantierin e ndërtimit në lagjen '5 maji' në kryeqytet e cila do të mbulojë 11 mijë banorë duke ofruar apartamente cilësore e njësi shërbimesh tregtare. Teksa ishte i shoqëruar nga Ministri i Rindërtimit Arben Ahmetaj dhe kryebashkiaku Erion Veliaj, kryeministri kërkoi që në këtë kantier të punohet me 3 turne në mënyrë që të përfundojë sa më parë.

Fqinjët e mirë janë ndonjëherë fat. E në rëntë një i keq, atëherë sherret mund të ndizen nga çasti në çast. Një arsye për grindje e mandej për të shkuar në polici është edhe tymi. Një 65-vjeçar që e përshkruan vetveten si një burrë që nuk pajtohet me parregullsitë, që do qetësi dhe që i zbaton rregullat, është po kaq kërkues edhe ndaj atyre që e rrethojnë.

Banorët e rrugës “Gjin Gjergji” në Selitë janë ankuar lidhur me një konflikt që vijonte prej ditësh me një nga bizneset e zonës

Një 30-vjeçar u arrestua në Tiranë pasi u kap me disa doza kokaine në makinë. Ngjarja ka ndodhur në rrugën "Ymer Kurti" ku gjatë kontrollit të makinës së Endrit Murranit u gjetën 67 doza kokaine si dhe një shumë parash të dyshuara  të përfituara nga shitja e lëndës narkotike.

Ky është momenti kur Kristi Çinari autori i grabitjes së Kredo.al futet në institucionin financiar. Fotoja është kapur nga kamerat e sigurisë të institucionit dhe është siguruar nga gazetari i Report Tv Sokol Dema. Nga pamjet shihet se ai ishte i maskuar dhe kishte edhe një çadër.

Ky është momenti kur autori i grabitjes së një farmacie mbrëmjen e djeshme largohet nga vendngjarja. Grabitja ndodhi rreth orës 21:00 pas shkollës "Sami Frashëri" në Tiranë. Siç shihet nga pamjet, ai largohet i qetë pasi ka mundur të marrë lekët mbi banak të këtij biznesi.

4 persona janë vënë në pranga, pasi kishin vënë në zbatim një skemë mashtrimi të qytetarëve, duke përfituar edhe nga situata e COVID. Në pranga kanë rënë Ergys Vejseli 34 vjeç, Gentiana Konini 44 vjeç, Klotida Çela 32 vjeçe dhe Petrit Cara P. C., 37 vjeç, të katërt banues në Tiranë.