Arrestimi i mjekëve në QSUT për korrupsion ka revoltuar bluzat e bardha të cilat protestuan në lidhje me këtë vendim. Në një lidhje telefonike për Report Tv, mjekja shqiptare nga Gjermania Aurora Meta Dollenberg u shpreh se mënyra sesi po trajtohen mjekët është e gabuar.

Zbulimin e korrupsionit nga ana e ish zv.ministres së Brendshme, Rovena Voda, SPAK e ka zbuluar krejt rastësisht gjatë hetimit të një çështje tjetër. Nga përgjimet e SPAK, zbulohet se Voda ka pranuar nga avokatja Florida Beu 2 mijë euro, një telefon dhe një arkë me peshk për punësimin e saj në Ministrinë e Brendshme, por që në fund procedura mbeti në mes. Marrja e eurove dhe të mira materiale janë filmuar, përgjuar dhe fotografuar nga SPAK, ndërsa ato janë marrë në momente të ndryshme dhe jo të gjitha njëherësh.

Emisioni Stop ka trajtuar një histori të dhimbshme, por dhe problematike. Bëhet fjalë për një aksident në punë, që një djali të ri të quajtur Donald Tufi 20 vjeç i ka kushtuar gishtin e njërës dorë.

Pas vendimit të marrë më 30 qershor, ku ka pranuar pjesërisht kërkesën e Bindjes Demokratike dhe të Lëvizjes Demokratike për Ndryshim për të shfuqizuar nenin që i shpërndan mandatet e deputetëve sipas herësit, Gjykata Kushtetuese ka publikuar sot vendimin e argumentuar. Ndryshe nga siç u interpretua Kushtetuesja nuk e ka shfuqizuar tërësisht herësin por ka konsideruar si antikushtetues masën e tij.

Komisioni Rregullator në Komisionin Qendror të Zgjedhjeve i ka vënë kapak përfundimisht procesit zgjedhor të 25 prillit, duke certifikuar rezultatin.  Komisioni ka miratuar rezultatin e saktë dhe shpërndarjen e mandateve për 140 deputetët e ardhshëm. Me 3 vota pro dhe 2 kundër u miratua në parim dhe më pas nen për nen vendimi. 

Një ditë pasi ka marrë zyrtarisht detyrën kryetarja e AMA-s, Armela Krasniqi ka vendosur të anulojë procedurën me objekt “Fushatë e informimit, ndërgjegjësimit dhe sensibilizimit, “Fëmijët dhe Reklamat” në televizione dhe portale”.

Ministrja e Infrastrukturës dhe Energjisë, Belinda Balluku ka pritur sot në një takim në Tiranë ministrin e Çështjeve Detare, Transportit dhe Infrastrukturës së Kroacisë, Oleg Butkoviç. Një vëmendje të gjatë bisedës së dy ministrave i është kushtuar projektit të Korridorit Blu, për të cilin Shqipëria ka nisur punën për ta bërë realitet këtë vepër të rëndësishme infrastrukturore.

Duke marrë shkas nga disa lajme të botuara nga disa media por edhe të publikuara në rrjetet sociale, që e lidhin me kontejnerin që u ndalua me 12 kg kokainë sot në Durrës ka reaguar përmes një deklarate sqaruese kompania BANA KING.

Shkëlqim Hajdari, ish-kryetari i shoqatës së prokurorëve, i cili aktualisht mban postin e Kryeinspektorit të Përgjithshëm, thotë në një intervistë në Report Tv se operacionet e fundit të SPAK janë tregues se këtë herë po ndryshon shumëçka në lidhje me kulturën e ndëshkimit në vend. Sipas tij kushdo që ka shpërdoruar detyrën të përgatitet se shumë shpejt do të përballet me drejtësinë.

Në njoftimin e sotëm të policisë për masat kundër drejtuesve të mjeteve që shkelin rregullat e qarkullimit rrugor një rast shumë i rëndë evidentohet.  Një drejtues mjeti kishte fëmijën e tij jo më shumë se 2-vjeç, në vendin e parë të pasagjerit, pa ndenjësen e posaçme dhe për më tepër duke pirë duhan. Babai i papërgjegjshëm është dënuar me gjobë 8000 lekë.

Kryeministri Edi Rama ditën e sotme do të niset drejt Athinës. Ende nuk dihet motivi i vizitës së Ramës në Athinë, ndërsa kjo është  dyta në pak kohë që kryeministri zhvillon në shtetin helen.

Ruçi bën me dije se gjatë takimit janë vlerësuar marrëdhëniet e shkëlqyera Shqipëri-Kroaci, sidomos në fushën e sigurisë, mjedisit dhe infrastrukturës. Ruçi dhe Butkovic shkëmbyen mendime për forcimin e partneritetit mes dy vendve, për ta shtrirë bashkëpunimin edhe në fusha të tjera si turizmi, energjia etj.