Ka ndërruar jetë në moshën 86-vjeçare Mjeshtri i Madh i humorit shkodran dhe mbarë shqiptarë, Paulin Preka. Kolosi i humorit shqiptar mbylli përgjithmonë sytë në Itali, ku jetonte prej vitesh me familjen e tij

Ish-kreu i PS-së në Vaun e Dejës, Nikolin Huba ka rënë pre e një atentati mesditën e kësaj të shtune, në afërsi të  shkollës Pyjore, Shkodër. Në mes të ditës, 2 persona në motor me skafandër, kanë shkuar në drejtim të tij duke e qëlluar sapo doli nga kafja, e duke e lënë të plagosur. E gjitha kjo skemë është ndërtuar mbi bazën e dëshmisë së vetë të plagosurit.

Çdo ditë ka mbi 150 raste të reja me Covid-19 në qarkun e Shkodrës, ku 50 prej tyre paraqiten për t’u vizituar në spital. Drejtori Ardian Dajti bën thirrje për vaksinim pasi ka rezultuar se personat e vaksinuar e kalojnë koronavirusin me simptoma të lehta.

Gjykata e Tiranës i dha 40 ditë kohë një 41-vjeçari malazez deri në vendimin për ekstradimin në SHBA, ku kërkohet për trafik droge dhe pastrim parash. Aleks Vukaj hyri në Shqipëri përmes pikës kufitare në Malësi të Madhe, dhe në momentin e arrestimit deklaroi se kishte ardhur për turizëm.

Një sasi e konsiderueshme parash të falsifikuara janë kapur në Shkodër, të cilat i kishte në zotërim Mark Cumrakut në Shkodër. Atij sot iu vunë prangat teksa po udhëtonte në 'Benzin' e tij, ku iu gjetën plot 2.600 euro dhe 71.000 lekë të rinj të dyshuar të falsifikuar, si dhe një sasi lekësh të pa falsifikuar. Burime zyrtare i thanë Report Tv se gjatë kontrollit në dyqanin e tij u gjetën edhe lëndë plasëse.

Dy makina janë përplasur mbrëmjen e së dielës në aksin rrugor Koplik-Hot, në vendin e quajtur “Kështjella e Dragoit”,Vukpalaj, Malësi e Madhe, ku për pasojë ka ndërruar jetë një 22-vjeçar

Një sherr për burimin e ujit në Shllak të SHkodrës ka përfunduar deri në përdorimin e armëve e për pasojë edhe një të plagosur. 31-vjeçari  Frederik Kola pas debateve që ka pasur me 72-vjeçaritn, Zef Pjetri ka marrë makinën e ka përplasur dhe më pas sikur kjo të mos mjaftonte e ka qëlluar edhe me armë gjahu, duke i lënë plagë në trup.

4 persona kanë rënë në prangat e Policisë ditën e sotme në Shkodër, pais një operacioni anti-kanabis, ku u konstatuan të mbjella me bimë narkotike disa parcela. Në pranga ka rënë Aleksander Makaj, Zef Ndrekolli, Gjelosh Ndrekolli dhe Zef Dodani. U sekuestruan 35 kilogramë kanabis dhe municion luftarak.

Shkodra i ka thënë sot lamtumirë 'Mjeshtrit të Madh', kompozitorit Kujtim Alija. Me kortezhin e bandës së qytetit të Shkodrës, aty ku ai punoi dhe jetoi, i jepet lamtumira Mjeshtrit Kujtim Alija, ndërsa sot Shkodra është në zi. Homazhet në nderim të 'Mjeshtrit të Madh' u zhvilluan në teatrin 'Migjeni', ku familjarë, miq e bashkëpunëtorë i dhanë atij lamtumirën e fundit.

Një 40-vjeçar nga Belgjika ka rënë në prangat e Policisë ditën e sotme në Pikën Kufitare të Hanit të Hotit, pasi iu gjet një sasi  kanabisi në furgonin me të cilin po udhëtonte.

Festivali i Këngës për Fëmijë, nga sot nuk do të ketë pjesë të saj një nga figurat simbol, “Mjeshtrin e Madh”, dirigjentin, pedagogun dhe organizatorin e palodhur, Kujtim Alija. Ai u nda sot nga jeta, duke lënë një boshllëk të madh në jetën artistike të qytetit të Shkodrës, por jo vetëm, edhe të shqiptarëve.