Gurores në pronësi të Xhelal Rrajës në Borizanë të Krujës i është vendosur shiriti. Bllokimi i gurores u bë 2 ditë pas ngjarjes së rëndë ku anëtarë të fisit Rraja së bashku me të birin e deputetit të dorëhequr të PS-së, Rrahman Rraja, dhunuan kushërinjtë Maja.

Pas lënies së mandatit të Rrahman Rajës si deputet i PS, karrigen e tij do e zërë Arkend Balla.

Deputeti i PS, Rrahman Rraja ka dhënë dorëheqjen pas dhunës së Fisit Rraja për guroren. Ai thotë se ndihet i turpëruar nga fëmija i tij, që i tregoi se ka dështuar si prind dhe i bën thirrje që të dorëzohet para drejtësisë. 

40 denoncime janë bërë vetëm nga banorët e Borizanës në drejtim të Rrajave për shkak të shpërthimeve të gurores të fisit Rraja që po u shemb shtëpitë, por nuk ka patur asnjë zgjidhje. Report TV sjell dëshminë e një banori pranë gurores, që tregon se Rrajat kishin ndikim në polici, ndërsa një hetim i gjerë ka nisur për të zbuluar se deri ku kanë arritur shantazhet dhe kërcënimet e fisit Rraja

Rreth 883 bimë kanabis janë zbuluar nga kontrollet e policisë të ushtruara në disa fshatra të thella në Krujë. Bimët e gjetura u asgjësuan me anë të djegjes, ndërsa kultivuesit e tyre nuk dihen ende.

Pak orë pas denoncimit në Report TV dhe Shqiptarja.com policia shpalli në kërkim Rexhep Rrajën, djalin e deputetit socialist të Krujës Ramazan Rraja. Në kërkim dhe dy xhaxhallarët e tij dhe një anëtar i fisit Rraja. Ndërsa 4 persona janë në pranga për dhunën barbare që pjesëtarë të fisit Rraja ushtruan ndaj kushërinjve Maja pasi u ankuan se gurorja në pronësi të tyre po u dëmtonte banesat. 

Një ngjarje e rëndë është regjistruar dje në Fushë-Krujë, ku anëtarë të fisit të deputetit socialist Rrahman Rraja kanë dhunuar dy kushërinjtë Bilbil Maja dhe Jashar Maja, të cilët ishin ankuar për shpërthimet e gurores në pronësi të Përparim Rrajës.

Banorët e fisit Maja jetojnë në Borizanë prej vitesh dhe kanë vite që jetojnë me këtë problematikë.

Dhunën barbare ndaj 2 burrave të fisit Maja anëtarët e fisit Rraja zgjodhën ta filmonin. Duke i publikuar pamjet synimi ishte i qartë, mesazhi ndaj të tjerëve. Duke e ndier veten të paprekshëm Rrajat donin t’ia bënin të qartë të pambrojturve se ç’u ndodh nëse ankohen.  

Shpërthimet në një gurore në Fushë Krujë, në pronësi të Përparim Rrajës, është bërë shkak për një përplasje të dhunshme mes fisit Rraja me atë Maja.

Ajo që është e çuditshme është se në videon e dhunës, banorët e Borizanës identifikojnë se një nga personat që ushtron dhunë ndaj Bilbil Majës edhe kur ky ka humbur ndjenjat, është Rexhep Rraja, djali i deputetit socialist Rrahman Rraja. Por, emri i tij nuk figuron as në njoftimin e policisë se sotmin dhe as në atë të djeshmin.