Prej ditës së djeshme ka nisur aksion kundër tregtimit të produkteve bujqësore e blegtorale pa faturë. Në Sarandë, një tregtare përplaset për rigonin. Zyrtari e pyet kush është prodhuesi? Aji i përgjigjet: Mali.

17-vjeçarja që u vetëplagos me armë një ditë më parë në Vlorë, e ndërmorri aktin ekstrem si pasojë e dhunës nga babai. Kështu thotë Policia e Vlorës, që ka vënë në pranga babain dhe ka marrë nën hetim gjyshin e të miturës. Këtë të fundit për shkak se pistoleta me të cilën u vetëplagos adoleshentja i përkiste gjyshit, i cili e mbante pa leje.

Tabaku shprehet kritike ndaj aksionit të qeverisë për kontrollet e produkteve të bulmetit dhe mishit, duke thënë se problemi qëndron te sistemi, që sipas të cilës, ka fundosur fshatin.

Një peshkatar në Sarandë u përball me kërkesën e policisë bashkiake për të paraqitur kupon tatimor dhe certifikatë të origjinës së mallit, për peshqit e kapur në det. Peshkatari ka kërkuar që të shkojë Edi Rama për t’ia sekuestruar peshqit.

Një vajzë 17-vjeçare në Vlorë ka mbetur e plagosur në gjendje të rëndë si pasojë e një plage në kokë të shkaktuar nga arma e zjarrit. Ajo mbërriti e plagosur në spital. Policia e Vlorës zyrtarisht njofton se dyshohet që e mitura të jetë vetëplagosur me pistoletë.

Drejtuesi i një gomoneje i cili lundroi brenda perimetrit të sigurisë duke rrezikuar jetën e pushuesve në plazhin e Radhimës është gjobitur me 1 milonë lekë.

Në portin e Vlorës mëngjesin e sotëm është ankoruar anija kroçere ‘Silver Whisper’. Anija kroçere është nisur nga porti i Barit, Itali dhe do të qëndrojë në portin e Vlorës deri në orën 23:00.

Në qytetin bregdetar të Vlorës, sot pritet të konfiskohet një pallat që është në shkelje të lejes së ndërtimit.

Policia ka liruar disa hapësira publike në Vlorë, Tiranë dhe Golem dhe ka vënë në hetim 3 persona. Në Vlorë janë vendosur qindra masa administrative për drejtuesit që kanë penguar qarkullimin me parkime dyshe.

Policia Kufitare apelon për të gjithë përdoruesit e mjeteve lundruese që të respektojnë me rigorozitet perimetrin e sigurisë ujore për pushuesit dhe të shmangin çdo veprim që mund të rrezikojë sigurinë publike apo të dëmtojë mjedisin detar.

Shërbimet e Komisariatit të Policisë Nr. 2, në bashkëpunim me strukturat e Policisë Bashkiake dhe të Inspektoratit të Mbrojtjes së Territorit, ndërhynë në një hapësirë të përbashkët pallati në rrugën “Medar Shtylla”, e cila ishte zënë pa leje dhe ishte kthyer në një vendparkim automjetesh.