Rasti i 2-vjeçarit me tumor i cili priti mbi 10 ditë në spital derisa Ministria e Shëndetësisë siguroi ilaçin ‘Actinomycin D’ që mungonte për kimioterapinë, sipas Partisë së Lirisë, është dëshmi se qeveria nuk tregon vëmendjen e duhur për shëndetin e qytetarëve.
Përmes sekretarit të Përgjithshëm, Tedi Blushi, Partia e Lirisë kërkoi nisjen e një hetimi për mungesën e ilaçeve.
I vogli i diagnostikuar me tumor në bark, pas ndërhyrjes kirurgjikale duhej ta kishte nisur kimion 10 ditë më parë sipas denoncimit të nënës së tij, trajtimi nuk kishte nisur pasi medikamenti kimio ‘Actinomycin D’, mungonte në Pediatrinë e Onkologjikut. Ky ilaç nuk qarkullonte në treg që prej vitit 2006.

















