#dosjak #report Vendosja e regjimit komunist pati kosto të rënda në shumë prej familjeve të mëdha të Shqipërisë, të cilat i kishin konsoliduar pasuritë dhe traditat tyre familjare prej dekadash. Ato kishin lënë shenja të dukshme në të gjithë staciont e historisë së vendit. Pjesa dërrmuese e tyre kishin vënë një gur themeli në momentin historik të pavarësisë së Shqipërisë, e më tej në ngritjen dhe forcimin e shtetit shqiptar. Ekonomia e vendit po ashtu i kishte themelet tek pasuritë dhe lidhjet e tyre të forta në vendet më të zhvilluara të Europës dhe traditat e tyre tregtare. Me vendosjen e regjimit komunist në Shqipëri, këto familje ishin fokusi qëndror i goditjes dhe kjo për të përfituar avantazh politik e financiar e për ti dobësuar ato sa më shumë që të mos ishin në gjendje që të kundërshtonin politikat e ashpra të regjimit të ri. Tirana si kryeqytet me familjet e mëdha tiranase që merreshin shkryesisht me tregti ishte edhe epiqendra e kësaj goditjeje dhe shumë prej tyre përjetuan valën më të egër të represionit. Një shëmbull ndër ta ishte edhe familja Qosja, mbi të cilën regjimi ushtroi gjithë egërsinë e tij që në ditët e para. Altin Qosja është një prej pinjollëve të kësaj familje dhe ai do të tregojë në Dosja K, historinë e familjes së tij dh përballjen e saj me politikt e gra të regjimit komunist, që nuk e hoqën fokusin prej tyre deri në ditët e fundit të diktaturës.