Report Tv zbardh të tjera detaje nga dosja për arratisjen e Altin Ndocit më 13 janar nga spitali i Durrësit. Mjekja e burgut thotë se rekomandoi konsultën në spital pa e vizituar Ndocin, por me sugjerim të kryeinfermierit Aulon Çuku, për të cilin dyshon se e ka takuar të paraburgosurin në qeli. Çuku mohon pretendimet, përfshirë një ndërveprim të dyshimtë mes tij dhe drejtorit të burgut. Hetuesit zbulojnë një bisedë mes mjekut të spitalit dhe kryeinfermierit pas arratisjes së Ndocit.