Më 1 maj të vitit 1997-të në shtypin e shkruar pasqyrohej gjerësisht një masakër e vërtetë e rregjistruar në Burrel. Nga shpërthimi në një tunel ushtarak humbën jetën më shumë se 20 persona të fshatit Qafë Shtamë mes tyre gra dhe fëmijë. Gazeta Shqiptare në faqe të parë shkruan : “ Masakër në tunelin ushtarak” . Ngjarja e rëndë pasqyrohej po ashtu si zhvillim kryesor edhe në Koha Jonë ku shkruhej : “ Minat marrin 22 jetë”. Edhe RD botimi i Partisë Demokratike shkruante për këtë ngjarje të rëndë ndërsa në ZP nuk thuhej asnjë fjalë.

Report Tv në emisionin e mëngjesit “Shtypi i Ditës dhe Ju” me gazetarin Andi Kapxhiu sjell çdo ditë rubrikën “ Na ishte njëherë”.  Kjo hapësirë vjen si një mundësi  për të rikthyer nëpërmjet gazetave të ditës , pra shtypit të shkruar ngjarje dhe zhvillime të viteve apo dekadave më pare dhe shërben si një memorie kolektive për këdo.