Më 20 mars të vitit 1996-të në shtypin e shkruar pasqyrohej gjerësisht një padi e Prefekturës për Bashkinë e Tepelenës. Pushteti i Berishës President në atë kohë ishte i tmerruar dhe kishte urdhëruar që Fatos Nanos liderit të burgosur të PS-së t’i hiqej titulli “Qytetar Nderi” akorduar nga Bashkia Tepelenë pak ditë më parë. Koha Jonë shkruante : “ Dekorimi i Fatos Nanos përfundon në Gjykatë” ndërsa Gazeta Shqiptare në faqen e parë pasqyronte: “Nanos t’i hiqet qytetaria e nderit”. Ky argument zinte vend edhe në ZP(Zërin e Popullit) botimin e Partisë Socialiste që nënvizonte se nderimi për Nanon është vlerësim për demokracinë. RD( Rilindja Demokratike) botim i Partisë Demokratike shkruante thjeshtë :” Nderi i Nanos në gjyq”.