Në shtypin e shkruar të datës 30 prill 1996-të fokusi ishte tek zgjedhjet e 26 majit. Në Gazeta Shqiptare shkruhej : “ Mbi 3 milion USD për zgjedhjet” referuar kostove të zhvillimit dhe infrastrukturës për zgjedhjet e përgjithshme por në këtë të përditshme pasqyrohehsin edhe aktivitet e fushatës. Sali Berisha ishte President i Republikës por kjo nuk e pengonte edhe pse në shkelje të hapur të ligjit të ishte në krye të fushatës së PD-së. Në RD titulli kryesor ishte : “ Presidenti Berisha hap fushatën në Fier, 4 vitet e ardhshme-vitet më të mira të jetës tonë”. Ndërsa në ZP botimin e Partisë Socialiste kishte denoncime për zyrtarë të shtetit që mbanin edhe funksione të tjera në kundërshtim me ligjin por edhe aktivitet politike të PS.