Familja Dine nga Maqellara e Dibrës, është një familje me kontribute të mëdha patriotike që ka spikatur në periudhat më delikate të historisë. Por siç ndodhi edhe më shumë familje të mëdha shqiptare që patriotizmin e kishin kryefjalë të jetës, edhe familja Dine do të masakrohej nga komunizmi, menjëherë sapo regjimi të instalohej në Shqipëri. Dine Dine, është një prej pinjollëve të kësaj familje. Ai mbeti jetim që në moshën 3 vjeçare, pasi të atin e vrasin komunistët në një përpjekje për t’u arratisur në kohën që ishte i burgosur. E gjithë jeta e tij më tej do të ishte një kalvar i gjatë sfidash dhe mbijetese, deri në finish të dhimbjes, kur, pas afro gjysëm shekulli persekutim, ai nis të shkruajë e të tregojë, gjithçka kishte parë e përjetuar në këtë rrugëtim ferri...