Lumi Seman ka çarë mesditën e sotme argjinaturën në disa segmente në afërsi të fshatit Ndërnënas dhe Hasturkas në Libofshë, si pasojë e prurjeve të shumta. Uji ka vërshuar përtej argjinaturës drejt tokave bujqësore duke alarmuar banorët e zonës. Ata pohojnë se një prurje të tillë nuk e kanë parë kurrë në zonën e tyre, ndërsa i frikësohen tendencës në rritje të ujërave të cilat po i afrohen zonave të banuara.
