Ishte viti 1969. Në korridoret e hetuesisë së Tiranes po qarkullonte një frazë alarmante. “Kanë dashur ti bëjnë atentat Enber Hoxhës.” Çfarë kishte ndodhur? Dhe kush ishte autori i ketij akti? Ndërsa kryente shërbimin ushtarak në Kodër-Kamëz, i riu nga Kukësi, Shefqet Gjana, do të çonte ndërmend një akt të guximshëm. Pritej që Enver Hoxha të kryente në vizitë në tarracat e Bathores, dhe ndërsa Shefqeti bënte rojë në një prej karakollave të repartit ushtarak, kishte parë diktatorin diku më tej ndërsa kryente këtë vizitë. Kishte menduar për pak sekonda se si do të ndryshonte fati i vendit, nese ai do të ngrinte armën dhe do të vinte në shenjestër Enver Hoxhën, duke e vrarë në vend, aty në plantacionet e Bathores.
