Në fshatin Spathar të Librazhdit prej një jave po vijojnë rrëshqitjet masive të tokës si pasojë e erozionit. 7 banesa janë dëmtuar plotësisht, të tjera pjesërisht. Për shkak të rrezikut, bashkia ka urdhëruar evakuimin e banorëve, duke u mundësuar shtëpi me qira në qytet. Megjithatë, banorët shprehen të shqetësuar, pasi e kanë të lidhur jetesën me bujqësinë dhe blegtorinë, ndërsa zhvendosja në qytet i vë ata përballë vështirësive ekonomike dhe sociale.