Ambasadori i Bashkimit Europian, Luigi Soreca ka kërkuar më shumë punë nga Shqipëria në fushat kur raport i progresit të KE ka evidentuar se kanë nevojë ende për përmirësime. I pranishëm në Këshillin Kombëtar të Integrimit, ku u mblodh për hapjen e Shkollës së Integrimit Europian 2021, Soreca tha se klasa politike duhet të dyfishojë përpjekjet për integrimin duke pasur si udhërrëfyes progres raportin e KE. Soreca tha se BE mbështes integrimin e Shqipërisë dhe për këtë arsye kontribuon çdo vit me 100 mln euro, para, donacione apo grante për transformimin e të gjithë sektorëve të shoqërisë.