Kryeministri Edi Rama ka thyer heshtjen mbi verifikimin e Autoritetit të Dosjeve pasi rezulton se Ilir Meta ka qenë bashkëpunëtor i ish Sigurimit të Shtetit. Në reagimin e tij, Rama tregoi qëndrim të qartë pro kërkesës së Autoritetit të Dosjes duke thënë se politika duhet të votojë në Kuvend ndryshimet ligjore që t'i hapet rrugë hetimit të plotë. Gjithashtu tha se Kuvendi duhet të diskutojë mbi idenë e hedhur që spiunët e Sigurimit të kthehen në subjekte të Ligjit të Dekriminalizimit.
