VLORË- Situata në Ujësjellësin e Vlorës vijon të jetë e tensionuar! Një ditë pas kaosit të krijuar, në një kohë kur kryebashkiaku i Vlorës Dritan Leli thotë se e ka shkarkuar, Shkëlqim Leskaj sot në një deklaratë për mediat, nuk heq dorë duke thënë se ai vijon të jetë në krye të detyrës. Në deklaratë zyrtare, Leskaj ka mohuar akuzat që vijnë në drejtim të tij, sipas së cilit nuk ka marrë asnjë vulë apo procesverbal siç pretendohet, e ndërsa vë theksin se gjatë kësaj kohe ai nuk ka nënshkruar asnjë kontratë as për sahatët, klorinimin dhe as për uniformat e punonjësve.