Ndue Gjeta: Komunistët na morën 3 jetë, nuk iu dimë as eshtrat... (27 shkurt 2023)

27 Shkurt 2023, 22:58

Ndue Preng Gjeta, nga Oroshi i Mirditës, sot 86 vjeç, ka përjetuar në jetën e tij të gjatë një histori që siç thotë ai " s'mundesh me e mbajt mbi shpinë, nëse Zoti nuk ta bën dhuratë edhe durimin po njësoj sa vuajtjet që të jep rrisk". Ai ishte fëmijë kur pa më sytë e tij se ja arrstuan komunistët të atin, e prej asaj dite, veç drama e dhimbje do të sundonin në jetët e tyre. I ati, do të burgosej e torturohej me ditë e ditë të tera, për ti bërë presion vëllait të tij oficer, i arratisur në male për të luftuar kundër komunizmit. ai nuk ishte dorëzuar për asnjë moment, derisa kishte inskenuar skenën e një të cmenduri që tenton të vrasë edhe veten. prej atij çasti e kishte mbyllur gojën e nuk fliste më asnjë fjalë. gjenjen e tij nuk e ndërron as lirimi nga burgu dhe kthimi i tij në shtëpi me barrelë. as me familjarët nuk jepte e as merrte. ishte revolta e tij e brendshme për fatin e të vëllait në mal të cilin e mendonte se ia kishin vrarë. Por si do të takohej ai me vëllanë e arratisur e si do ta ndiqte pas në arrati, duke lënë pas gruan nënën dhe njuë tufë fëmijë të cilët komunistët në shenjë hakmarrjeje dhe presioni do ti internonin në Tepelenë, duke i mbajtur atje të izoluar për vite e vite me rradhë?