Paketa fiskale diskutohet te 'Veprimtaria prodhuese', Agrobiznesi: S’është konsultuar, dëmton bujqësinë! Të bëhet studim i thelluar

8 Nëntor 2021, 10:50 | Përditesimi: 8 Nëntor 2021, 10:50

Paketa fiskale e propozuar nga Ministria e Financave, nuk është konsultuar me bizneset prodhuese dhe me sektorin e bujqësisë. Drejtoresha ekzekutive e Këshillit të Agrobiznesit Shqiptar Enisa Shena në Komisionin e Veprimtarisë Prodhuese tha se pavarësisht se buxheti i shtetit pret një rritje të ardhurash nga heqja e rimbursimit të TVSH-së për bujqësinë, vendosjes së tarifës 10% për inputet bujqësore apo tavani i përjashtuar nga TVSH-ja sa i takon investimeve në bujqësi, këto ndryshime dëmtojnë bizneset.

Agrobiznesi kërkon që këto ndryshime të propozuara të mos hyjnë në fuqi pa u bërë studimi i thelluar me dëmin që do i shkaktohet biznesit në sektorin e bujqësisë në rast se këto masa hyjnë në fuqi.

r.k./Shqiptarja.com