Përzgjedhja e kandidatëve, Bujar Nishani në 'Pa Protokoll': Procesi ka në bazë mendimin e qytetarit

26 Qershor, 22:30

Kryetari i Partisë Demokratike, Lulzim Basha prezantoi udhëzimin që parashikon 4 faza të identifikimit e përzgjedhjes së kandidatëve për deputetë në zgjedhjet e ardhshme. Për kryetarin e Këshillit Kombëtar të PD, Bujar Nishani ajo që miratoi kryesia e PD është një proces i rëndësishëm në përballjen me votëbesimin e qytetarëve. Për zgjedhjen e kandidatëve, Nishani tha se janë në kohën e duhur.

"Nuk jemi fare herët. PD dhe opozita është futur në një proces të rëndësishëm në procesin e përballjes me votëbesimin e qytetarëve. Është futur në procesin e tentativës së suksesshëm për nisjen e një ndryshimi të madh për Shqipërinë dhe shqiptarët. Nuk ka sot shqiptarë të logjikshëm, i cili nuk e kupton që situata e tij personale, jeta e tij e përditshme është më e rrënuar se kurrë më parë. Ne kemi nisur rrugëtimin e një procesi shumë të rëndësishëm që pas 90-92, procesi më i rëndësishëm politik. Shqipëria është në udhëkryqin e madh të ekzistencës së saj. Ajo që u bë ishte konfigurimi i rregullave të një prej komponentëve të rëndësishëm të procesit. Kjo rregullore përcakton si do të rrjedhë përzgjedhja e kandidaturave. Mbetet në themel të procesit vlerësimi që vjen nga qytetari, nga baza e partisë, nga struktura e partisë. Ky proces ka në bazë strukturën, mendimin e qytetarit, demokratit dhe sjell disa risi", tha Nishani.  

Programe të tjera

Shiko të gjitha