Pispili me kunguj me miell gruri
Përbërësit:
- 2 kunguj
- 500 gr kos
- 2 vezë
- 2 lgj qumësht
- 240 gr miell
- 1 lç fryrës
- 2 lgj vaj ulliri
- 1 lgj gjalpë
- 100 gr djathë kaçkavall
- Vaj ulliri për spërkatje
Përgatitja:
Marrim kungujt dhe i grijmë në rende, nuk i shtrydhim. Në një tas shtojmë dy vezë, i rrahim me një tel kuzhine, shtojmë kosin dhe i rrahim sërish, qumështin, marrim miellin e kalojmë në sitë, i përziejmë sërish me tel të gjithë përbërës dhe fryrësin. Krijojëm një masë qulli dhe e shtojmë në një tavë ku e kemi spërkatur me gjalp. Sipër qullit bëjmë spërkatjen me vaj dhe me djathin e grirë kaçkavall, e fusim në furrë në 180 gradë për 45 minuta.
