Qeveria njoftoi zyrtarisht se ka rihapur TikTokun, por mekanizmat e sigurisë janë ende duke u diskutuar me përfaqësues të kompanisë. Në Gjykatën Kushtetuese, ku u shqyrtua padia për mbylljen e rrjetit 1 vit më parë, përfaqësuesi i kryeministrisë konfirmoi se palët kanë dialoguar për vendosjen e disa filtrave, mes të cilave edhe disa shprehje problematike në gjuhën shqipe, detaje të cilat do të shpallen gjatë muajit shkurt, bashkë me një plan sensibilizimi të gjerë.