Kryeministri Edi Rama ka njoftuar ndryshimin e kabinetit qeveritar me krijimin e ministrisë së Ekonomisë, Kulturës dhe Inovacionit me ministër Blendi Gonxhen. Me këtë vendim, shkrihet ministria e Kulturës, me Elva Margaritin që largohet nga kabineti, ndërsa zvogëlohet portofoli i Ervin Metes, i cili tashmë do të jetë ministër vetëm i Financave si dhe është rikthyer Inovacioni që gjatë mandatit 2013-2017 ishte ministri më vete me në krye Milena Hariton.