Patate me lulelakër në furrë

Përbërësit:

400 gr lulelakër

250 gr patate

1 gotë salcë kosi

3 vezë

1/2 gotë qumësht

100 gr kaçkavall i butë

4 qepë të njoma (bishtat)

2 thelpinj hudhra

3-4 salçiçe

1/2 tufë majdanoz

Kumin, arrëmoskat

Kripë dhe piper i zi

Përgatitja:

Vendosim një tenxhere me ujë pë ta valuar dhe shtojmë pak kripë.

Ziejmë për 5 minuta patatet dhe më pas i largojmë në një sitë. Më pas lulelakrën për 3-4 minuta. Në një tas tjetër rrahim 3 kokrra vezë, shtojmë salcën e kosit, hudhrat e grira imët, qumësht, arrëmoskat  kumin, majdanoz, qumësht dhe djathin e grirë. I përziejmë mirë dhe shtojmë salçiçe në kubikë.

Lyejmë tavën me yndyrë dhe e pudrosim me pak galetë. Shtojmë fillimisht patatet në kubikë, lulelakrën, qepën të grirë hollë diagonal. Mbit ë shpërndajmë kremin me qumësht dhe vezë. Në fund shpërndajmë pak kaçkavall. E vendosim tavën në furrë në temperaturë 180 gradë Celsius, për 25-30 minuta.