Receta e ditës - Tortë e mbushur me rikota e çokollatë dhe mish me perime e makarona / Pjesa e dytë

24 Tetor 2019, 12:13

Mish me perime dhe makarona

Përbërësit:

500 gr mish viçi

2 thelpinj hudhra

1 qepë mesatare

1 copë të vogël rrënjë selinoje (100 gr)

2 speca me ngjyrë miks

2 domate

Kripë dhe piper i zi

Majdanoz

Vaj ulliri

1 gotë makarona guackë

Përgatitja:

Ngrohim vajin dhe pasi kemi prerë mishin në kubikë e kavardisim dersa të zverdhet pak. Shtojmë hudhrat, i trazojmë për 1 minutë duke shtuar më pas qepën në kubikë. I kavardisim së bashku derisa qepa të zbutet pak.

Shtojmë rrënjën e selinosë në kubikë, specat në kubikë, i trazojmë sëbashku, shtojmë dhe domaten në kubikë dhe I lëmë të ziejnë për 15 minuta.

Rregullojmë shijen me kripë dhe piper të zi, shtojmë 500 ml lëng perimesh ose ujë dhe lëmë të ziejë dhe për 10 min të tjera. Shtojmë makaronat dhe I lëmë të ziejnë duke respektuar minutat e shkruara në etiketë. 5 minuta para se të largojmë tenxheren nga zjarri shtojmë majdnozin të grirë hollë. E lëmë gjellën të pushojë 15 minuta dhe më pas e shërbejmë.