'Repolitix'/ Logu: Rikthimi i Berishës nuk mjafton për ta bërë PD-në alternativë qeverisëse

3 Dhjetor 2024, 23:02

Sipas Besart Logut, PD-ja dhe Berisha nuk kanë më monopolin e të qenit opozita e vetme në vend. Në parti ekzistojnë fraksione dhe individë që nuk ndihen të përfaqësuar nga Berisha dhe qasja e tij.

Logu kritikoi në 'Repolitix' diskutimet e fokusuara vetëm te Berisha dhe PD-ja, duke theksuar se kjo qasje pengon hapësirën për figura të reja dhe ide të reja brenda opozitës.

Ai vuri në dukje se një retorikë e tillë, për shembull ndaj kundërshtarëve politikë, është e dëmshme dhe kufizon potencialin e partisë për t'u transformuar në një alternativë të vërtetë qeverisëse.