Një grup banorësh të Velipojës, pas protestës kundër resortit të Bashkim Ulajt, janë zhvendosur para Policisë së Shkodrës dhe kërkojnë lirimin e 15 protestuesve të shoqëruar. Një prej banorëve thotë se në Polici u ushtrojnë presion që mos të dalin më në protesta. Ai thekson se do ta vijojnë rezistencën dhe do t’i kërkojnë sërish SPAK që të ndalë punimet, pasi akuzojnë biznesmenin dhe botuesin Bashkim Ulaj se u ka grabitur pronat.