Kur na ndajnë edhe pak ditë nga 2-vjetori i tërmetit tragjik të 26 Nëntorit 2019, në Tiranë është inauguruar Lagjia e parë e Programit Kombëtar të Rindërtimit, Lagjja e re në Vaqarr, e ringritur nga e para pas rrënimit të 2 viteve më parë.

Plot 20 familje të kësaj zone kanë marrë sot çelësat e banesave të reja të rindërtuara nga e para, ndërsa kryeministri Edi Rama prezantoi dhe dorëzoi bllokun rezidencial. Ai tha se rindërtimi po e kthen sfidën e tërmetit nga një fatkeqësi, në kthesë transformimi.