Votimi elektronik do të realizohet vetëm në Vorë për zgjedhjet e 14 majit. KQZ kërkoi 37 mln euro për të realizuar procesin e votimit elektronik edhe në 6 bashki të tjera për zgjedhjet e ardhshme vendore por deri tani ende nuk është lëvruar ky fond nga qeveria. Para mediave, kreu i KQZ u shpreh se nuk ka pasur shtysë nga ana e partive politike për ta zgjeruar por edhe nëse do të ndodhte, koha është e pamjaftueshme për ta realizuar.