• VIDEO

    Rama-opozitës: Fitorja e thellë se njerëzit ju refuzuan, morët përgjigje spektakolare më 14 maj! Berisha e Bardhi në një zë: Vodhe votat me Doshin e Dakon

    Në seancën e Kuvendit, Kryeministri Rama u përball për herë të parë me opozitën për rezultatin e 14 majit. Ai tha se në fitoren e thellë të Partisë Socialiste ndikoi edhe refuzimi që shqiptarët i bënë opozitës, por Gazment Bardhi në një linjë me Sali Berishën, i kërkuan të flasë edhe për ndikimin sipas tyre, të Tom Doshit dhe Vangjush Dakos në blerjen e votave.

    • VIDEO

      Manja-Berishës: Ik dëgjo Lek Plepin në Shkodër dhe reflekto për ata që të kanë votuar, prano humbjen

      Ministri i Drejtësisë, Ulsi Manja ka këshilluar Berishën të reflektojë dhe të pranojë humbjen e 14 majit.

      “Kam një fjalë për Berishën.

      Mos dëgjo vetëm zërat e brendshme as servilet që të rrinë afër. Reflekto dhe për ata qytetarët që të pëlqejnë. Dëgjo dhe Lek Plepin në Shkodër. Për këta ke nevojë ti të reflektosh. Kjo është punë e juaja s’na përket ne.”- tha ai.

    • VIDEO

      Spiropali ‘elegji’ për fundin politik të Berishës: Hupe Sali! Nga veriu në jug të refuzuan! Hajde me mua, Ramën e Benetin pas ca muajsh të shohësh zonjën Shkodër

      Ministrja e Shtetit për Marrdhëniet me Parlamentin, Elisa Spiropali i drejtoi Berishës “lamtumirën” në fjalimin e saj në Kuvend. 

    • VIDEO

      Berisha: Nuk e votoj ligjin për rritjen e pagave se është një mashtrim

      Sali Berisha në fjalën e tij në Kuvend, sërish nënvizoi faktin se nuk do të votojë ligjin për rritjen e pagave.

      ‘Unë jam këtu për të dënuar me ashpërsinë më të madhe këtë Farsë të turpshme zgjedhore të pa ndodhur më parë, për t’u bërë shqiptarëve thirrje që të marrin në dorë fatin e tyre. Keni sjellë këtu një ligj të cilin pavarësisht këtyre kundërshtive do të kisha dashur ta votoja, pasi kam qenë dhe mbetem gjithnjë për rritjen e rrogave e pensioneve. Nuk e votoj këtë ligj sepse ky ligj është një mashtrim i tmerrshëm.’- tha Berisha.

    • VIDEO

      Braçe: Rritja e pagave, vendim historik që vlerëson punën! Më shumë para në familjet shqiptare! Luftë evazionit dhe kapjes së tregut

      Për deputetin socialist, Erion Braçe me vendimin që pritet të marrë sot Kuvendit do të marrë vendimin më të rëndësishëm të tij në planin ekonomiko-financiar por edhe social, të dekadës së fundit. Braçe nënvizon se kjo rritje page vlerëson fort shpërblimin e punës së gjithkujt.

       
    • VIDEO

      Berisha pas fjalës së Ahmetajt: Në parlament të vendoset sistemi i gjobave për deputetët që mashtrojnë! Felaj i ndërpret fjalën

      Pas fjalës së deputetit Arben Ahmetaj në Kuvend, Sali Berisha foli nga vendi për të kërkuar gjoba ndërsa zv.kryetarja e Kuvendi i ndërpreu fjalën.

      Berisha: Nëse në këtë parlament nuk vendoset sistemi i gjobave për deputetët që mashtrojnë publikun...

      Felaj: Jua ndërpres se s’keni lidhje me procedurën. Kur të merrni fjalën mund të thoni pretendimet. Mos të abuzojmë me rregulloren.

    • VIDEO

      Ahmetaj në Kuvend: Rritja e pagës është politike, qeveria po provokon privatin të ndajë fitimin me punonjësit

      Deputeti i PS-së, Arben Ahmetaj thotë se rritja e pagës është politike ndërsa shtoi se me anë të kësaj skeme, qeveria po provokon sektorin privat të reflektojë dhe t’u rrisë rrogat punëtoreve.

      “Rritja e pagës është thellësisht politike.. Është reflektim i një qeverie. Por së fundmi me një rritje historike dhe reflektimi ka të bëjë me produktivitetin e administratës. Rritja është 1.6% të PBB. S’është bërë asnjëherë. Nëse ekonomia është rritur dhe PBB është rritur, paga mesatare rritet 100%. Që do të thotë i gjithë diskutimi që bën opozitës për inflacionin, kjo statistikë e rrëzon. Nëse në 2025 paga mesatare do jetë 900 euro në privat do të jetë 600 euro. Kjo është kundërshti në ekonomi. Në 2013 tatim fitimi, ka qenë 15 mld, sot është 48 mld. Paga mesatare është rritur me 43%fitueshmëria është rritur me 300%. Çfarë nuk meritojnë punonjësit? Është rritur fitimi i tyre 300% ndërsa paga mesatare është rritur 43%, ata nuk kanë reflektuar. Ne po provokojmë në formë shumë pozitive, sektorin privat. Rritja e pagave është e domosdoshme dhe në kohën e duhur.”- tha Ahmetaj.

      •  
    • VIDEO

      Rama paralajmëron fashë për energjinë elektrike gjatë sezonit veror: Konsumi do rritet në mënyrë të ndjeshme

      Kreu i qeverisë, Edi Rama paralajmëroi se do të diskutohet sërish për vendosjen e fashës për çmimin e energjisë elektrike gjatë verës.

      “Ajo që paguajnë familjet nuk është vlera reale e faturës. Familjet shqiptare dhe biznesi i vogël paguan ekzaktësisht sa paguante me çmimin përpara krizës. Ka rënë çmimi i energjisë në tregun ndërkombëtar, por nuk është kthyer aty ku ishte dhe qeveria ka pasur dhe ka vullnetin e plotë që të vazhdojë të paguajë, ndërkohë që me ardhjen e verës, konsumi do të rritet në mënyrë të ndjeshme përsëri dhe ne do të duhet të hapim diskutimin e fashës”, tha Rama.

    • VIDEO

      Rama-deputetëve: Rrogat për ju dhe ministrat të rriten të fundit, por unë një jam, ju vendosni

      Kryeministri Edi Rama në fjalën e tij në Kuvend tha se rrogat e ministrave dhe të deputetëve të rriten të fundit, pasi tu jetë rritur të gjitha kategorive që përfshihen në projektligj.

      ‘Kështu që ky është qëndrimi im! Unë për rritjen e pagave jam shumë krenar dhe dua t’i falënderoj nga zemra të gjithë deputetët sepse është puna e deputetëve në radhë të parë e gjithë këtyre viteve, sepse është rezultat reformash, është rezultat ligjesh, është rezultat përpjekjesh, dua të falënderoj të gjithë anëtarët e kabinetit qe kanë punuar qysh nga dita e parë e vitit 2013 deri më sot, se ky është rezultat i përpjekjeve shumë të madhe dhe dua t’ju them që tek pika e pagës për deputetët dhe për ministrat , mua më keni kundra që ajo të hyjë menjëherë. Ajo duhet të hyjë në fuqi në momentin që hyn ne fuqi e gjithë paketa e rritjes së pagave, por unë një jam, bashkë me Erion Braçen, pastaj kush bëhet tjetër, të shohim.’- tha Rama.

    • VIDEO

      Bardhi-Ramës: Shpjegoi rezultatin me aleatin tënd politik Tom Doshin dhe non gratën e tij që ti së përmend

      Kryetari i grupit parlamentar të PD-së, Gazment Bardhi është shprehur se Rama në vend që të merret me opozitën do i duhet të shpjegojë shqiptarëve se pse nuk flet për non gratën e Tom Doshit falë të cilit mori zgjedhjet, sipas Bardhit.

       
    • VIDEO

      Kthimi i Bashës në krye të PD? Berisha shkrihet së qeshuri: Është vegël në duar të Ramës

      Sali Berisha e merr me të qeshur mundësinë e rikthimit të Lulzim Bashës në krye të PD-së. Duke ju përgjigjur gazetarëve ai tha se kjo është shaka, dhe se Basah duhet të pyesë Ramën nëse e lejon apo jo.

      ‘Ç’më tremb ai mua, po e përdor Rama si do. Mos bëj Shaka.(Qesh) Të pyes a lejon Rama apo jo, është vegël në duar të Ramës. Bën se çfarë i thotë Rama.’- tha Berisha.

    • VIDEO

      Berisha: Nuk do ta votojmë projektligjin për rritjen e rrogave

      Sali Berisha tha se ai dhe deputetët që e përkrahin nuk do ta votojnë projektligjin për rritjen e rrogave. Sipas Berishës akti i parë duhet të jetë caktimi i minimumit jetik që të jetë 200 euro.

      ‘Një farsë e turpshme me përmasa cinike të një cinizmi dhe pashpirtësie dhe hipokrizie të paparë u zhvillua sot në parlament. Pasi mashtroi shqiptarët, duke paraqitur rrogën e presidentit, të admiralit dhe të Rezartit, të gjitha këto nga 2.2 në 4.6 milionë lekë rritje, solli në parlament një ligj, në të cilin ata që janë më në nevojë, largimi i të cilëve po shkatërron Shqipërinë, mjekët, mësuesit, policët, ushtarakët, përfitojnë një rritje 1 përqind ose minus 1 përqind. Një akt i tillë është jashtë çdo imagjinate. Një cinizëm i tillë ndaj punonjësve të këtij vendi, tejkalon çdo cak.  Kam qenë dhe do jem gjithnjë për rritjen e rrogave, kjo nuk ka diskutim.

      Nëse ka një faktor shkatërrimtar për këtë vend, kjo është ngrirja e rrogave. Por sot kjo farsë, ky akt ku dyfishohen rrogat e zyrtarëve më të lartë dhe rriten me 1 përqind ose zbresin- se kjo është përllogaritja me inflacionin e INSTAT, se me përllogaritjen e EuroStat, rënia është më e madhe se kaq. Kam insistuar se ky proces të fillojë me vendosjen e minimumit jetik prej 200 eurosh. Ky duhej të ishte akti i parë për t’i dhënë përgjigje kësaj situate të rëndë, këtij mjerimi të frikshëm të krijuar në Shqipëri. Në vend që të fillonte me vendosjen e minimumit jetik, që do i jepte përgjigjen përfundimtare ndihmës ekonomike dhe pensioneve nën 200 euro dhe bënte një zbutje të mjerimit, minimumi jetik zhduk mjerimin në kuptimin e varfërisë ekstreme. Ishte një masë plotësisht e mundshme, kur dihet që qytetarëve u vidhet çdo vit dyfishi i fondit të përgjithshëm të rrogave. Kjo u mbyll në mënyrën më të turpshme nga njerëzit që vjedhin shqiptarët nga mëngjesi deri në darkë.
      Ne nuk do e votojmë.'- tha Berisha.

      •  

    Për lajme të tjera kërkoni në arkiv