Basha kërkoi që të merrej si i pandehur, reagon Balla: Nesër do të të padis ty dhe Florenc Hoxhën, që s'i zë dora vend pa shkelur ligjin

Kryetari i grupit parlamentar të Partisë Socialiste, Taulant Balla i është përgjigjur akuzave të kryetarit të PD, Lulzim Basha. Në një status në Facebook, Balla sqaron edhe njëherë se nuk ka qenë në Komisariatin e Fushë-Krujës, dhe se për këtë mund të verifikohen kamerat e komisariatit.

Balla e paralajmëron kryedemokratin se nesër do të ketë një tjetër padi për të dhe për Florenc Hoxhën, i cili është personi që ka intervistuar Fredi Alizotin në përgjimin e dytë që u publikua pak ditë më parë nga deputeti Ervin Salianji.

Reagimi i plotë:

Lulzim! Ti e di që je zyrtarisht në hetim për “kallzim të rremë” bashkë me Shpifës Nuhun. Për mua flasin qartë kamerat e komisariatit (s'kam qenë hiç aty, madje as Nuhun s'e ke aty). Nesër, sapo të kthehem nga Parlamenti Europian, gati një kallzimi tjetër për ty dhe Florenc Hoxhën, shokun tënd të famshëm që s'i zë dora vend pa shkelur ligjin.

Taulant Balla, kryetar i grupit parlamentar të PS

Lajmi kryesor:

'Babalja', Basha thirrje prokurorëve: Arrestoni Ardi Veliun, merrni të pandehur Taulant Ballën

TAG:
• edi rama
• lulzim basha
• taulant balla
• prokuroria e pergjithshme
• akuzat e pd
• padi per shpifje