Gjykata e Krimeve të Rënda ka dhënë sot vendimin për 2.4 tonë drogë të sekuestruara në Treblovë të Vlorës, në vitin 2016.
Krimet e Rënda kanë dënuar me 30 vite burg bandën kriminale të trafikut të drogës, të cilët bashkëpunonin me policinë. Përkatësisht janë dhënë 9 vite burg për shtetasin Taulant Haxhiraj, 9 vite për Shkëlqim Koçiaj, 8 vite për Marjus Bajrami dhe 4 vite për Xhovalin Bacon. Të pandehurit kanë përfituar uljen me 1/3 e dënimit nga gjykimi i shkurtuar.
Nga hetimet e Prokurorisë ka rezultuar se në krye të grupit të strukturuar kriminal qëndronte shtetasi Taulant Haxhiraj, i cili bashkëpunonte ngushtë me punonjësin e policisë, Renaldo Avdulaj, si edhe me disa persona të tjerë. Këta kishin për detyrë marrjen e masave konkrete për kultivimin, magazinimin dhe më tej, shpërndarjen e lëndës narkotike.
Komento